গুৱাহাটী ১৮ জুন: 'বহনক্ষম উন্নয়ন(Sustainable Development)ৰ ক্ষেত্ৰত অসমে শেহতীয়া সময়ছোৱাত পূৰ্বতকৈ ভাল ফল দেখুৱাবলৈ সক্ষম হৈছে । ২০১৮ চনত অসমৰ স্থান আছিল 'এছপাইৰেন্ট' শাখাত । কিন্তু এইবাৰ আগুৱাই নিটি আয়োগৰ প্ৰতিবেদনত অসমে বহনক্ষম উন্নয়ন(Sustainable Development)ৰ ক্ষেত্ৰত 'পাৰফৰমাৰ' ৰাজ্যৰ স্থান লাভ কৰিছে। গতিকে বহুতে কোৱাৰ দৰে অসম পিছ পৰি থকা নাই ।'
অসম প্ৰশাসনীয় পদাধিকাৰী মহাবিদ্যালয়ত অনুষ্ঠিত বহনক্ষম উন্নয়ন বিষয়ক এক কৰ্মশালাৰ শেষত সংবাদমেল সম্বোধন কৰি মুখ্যমন্ত্ৰী গৰাকীয়ে এই মন্তব্য কৰে ৷ লগতে পৰৱৰ্তী সময়ত চৰকাৰে আন আন মাপক সমূহক আগবঢ়াই আনিবলৈ সক্ষম হ'ব বুলি কয় মুখ্যমন্ত্ৰীয়ে ।
সংবাদ মেলত মুখ্যমন্ত্ৰী শৰ্মাই দাঙি ধৰা তথ্য অনুসৰি সামগ্ৰিকভাবে এছ ডি জি(SDG) মাপকত সৰ্বভাৰতীয় হাৰতকৈ তলত থাকিলেও অসমে এছ ডি জি - 7 অৰ্থাৎ 'এফৰডেব'ল এন্ড ক্লীন এনাৰ্জী' ৰ ক্ষেত্ৰত ৯৮ নম্বৰেৰে প্ৰথম স্থানত আছে । দ্বিতীয়তে, এছ ডি জি - ১০ আৰু এছ ডি জি ১২ ক্ৰমে অসমানতা হ্ৰাস আৰু বহনক্ষম ব্য়য় আৰু উৎপাদনৰ ক্ষেত্ৰতো অসমে ভাল ফল দেখুৱাবলৈ সক্ষম হৈছিল ।