গুৱাহাটী, 12 মে’ :বহুবিবাহ বন্ধ কৰাৰ বাবে মুখ্যমন্ত্ৰী হিমন্ত বিশ্ব শৰ্মাৰ ঘোষণাৰ পাচত গঠন কৰা হ'ল এজন বিশেষজ্ঞ সমিতি । বহুবিবাহ বন্ধ কৰাৰ ক্ষেত্ৰত আইনী পৰীক্ষাৰ লগতে আইন এখন প্ৰণয়ন কৰাৰ বাবে গঠন কৰা হৈছে এখন দক্ষতাসম্পন্ন বিশেষজ্ঞ সমিতি (Assam Forms Expert Committee on Polygamy) । বৃহস্পতিবাৰে চৰকাৰে গঠন কৰি দিয়ে এই সমিতিখন । সামাজিক মাধ্যকযোগে এই কথা সদৰী কৰে মুখ্যমন্ত্ৰী ড৹ হিমন্ত বিশ্ব শৰ্মাই ।
সমিতিখনত অধ্যক্ষ হিচাপে আছে অৱসৰপ্ৰাপ্ত ন্যায়াধীশ ৰুমি ফুকন । আনহাতে, সদস্য হিচাপে আছে মহাধিবক্তা দেবজিৎ শইকীয়া, অতিৰিক্ত মহাধিবক্তা নলিন কোহলী আৰু অধিবক্তা নেকিবুৰ জামান (Assam Forms Four Member Expert Committee on Polygamy) । সমিতিখনক প্ৰতিবেদন দাখিলৰ বাবে 60 দিনৰ সময়সীমা দিয়া হৈছে । অৰ্থাৎ দুমাহৰ ভিতৰত সমিতিখনে প্ৰতিবেদন দাখিল কৰিব লাগিব ।
উল্লেখ্য যে, বিশেষজ্ঞ সমিতিৰ প্ৰতিবেদনৰ ভিত্তিতে ৰাজ্য চৰকাৰে বহুবিবাহ বন্ধ কৰাৰ বাবে আইন প্ৰণয়ন কৰিব (Enact law to stop polygamy) । লক্ষণীয় বিষয় যে, মঙলবাৰে চৰকাৰখনৰ দ্বিতীয় বৰ্ষপূৰ্তি উপলক্ষ্য মুখ্যমন্ত্ৰী হিমন্ত বিশ্ব শৰ্মাই এখন সংবাদমেল সম্বোধন কৰিছিল । সেই সংবাদমেলতে মুখ্যমন্ত্ৰীয়ে বাল্যবিবাহৰ দৰে বহুবিবাহ বন্ধ কৰাৰ বাবে আইন প্ৰণয়নৰ কথা ঘোষণা কৰিছিল (Polygamy in Assam) । ইয়াৰ বাবে বিশেষজ্ঞ সমিতি গঠন কৰাৰ কথা উল্লেখ কৰিছিল । সেই অনুসৰি বৃহস্পতিবাৰে এখন বিশেষজ্ঞ সমিতি গঠন কৰা হয় (Assam Govt sets up expert committee to enact law to stop polygamy)।