গুৱাহাটী, 8 আগষ্টঃদুমাহতকৈও অধিক সময় ৰাজ্যৰ ২৭ খনকৈ জিলাত বানপানীৰ তাণ্ডৱ চলাৰ পিছত বৰ্তমান ৰাজ্যৰ বান পৰিস্থিতি বহু উন্নত হৈছে । বৰ্তমান ৰাজ্যৰ ৬ খনকৈ জিলাৰ কিছু অঞ্চল বানপানীৰ ফলত প্ৰভাৱিত হৈ আছে । ৰাজ্যৰ শেহতীয়া বান প্ৰভাৱিত জিলা সমূহ হৈছে ধেমাজি,বাক্সা,চিৰাং, কোকৰাঝাৰ,কামৰূপ (মহানগৰ)আৰু মৰিগাঁও জিলা। বান প্ৰভাৱিত ৬ খন জিলাৰ ৬ টাকৈ ৰাজহ চক্ৰৰ ১১২ খন গাঁৱৰ কিছু অঞ্চল বৰ্তমানেও বাঢ়নী পানীত ডুব গৈ আছে। বানৰ ফলত প্ৰভাৱিত হৈ আছে ১০ হাজাৰতকৈও অধিক লোক। বৰ্তমান ৰাজ্যৰ নৈ-উপনৈ সমূহ শান্ত হৈছে আৰু নদীৰ জলস্তৰ হ্ৰাস পাইছে যদিও ব্ৰহ্মপুত্ৰ নদী যোৰহাট জিলাৰ নিমাটিঘাটত বিপদ সীমাৰ ওপৰেৰে বৈ আছে।
ৰাজ্যৰ বহুকেইখন জিলা এতিয়াও বাঢ়নী পানীৰ তলত