গুৱাহাটী, ১২ ডিচেম্বৰ : আন্তঃৰাষ্ট্ৰীয় খ্যাতিসম্পন্ন ৰক্ত ৰােগ বিশেষজ্ঞ অধ্যাপক ডাঃ পৱিত্ৰ গগৈয়ে আমেৰিকাত অনুষ্ঠিত বিশেষ সমাৱেশত সমল ব্যক্তি হিচাপে অংশ গ্ৰহণ কৰিছে । আমেৰিকান ছ'চাইটী অৱ হেমাট’লজী (American society of hematology )ৰ তৰফৰ পৰা বিশ্বৰ বিভিন্ন প্ৰান্তৰ বিশেষজ্ঞ চিকিৎসকৰ লগতে অসমৰ ডাঃ পবিত্ৰ গগৈ (Doctor Pabitra Gogoi)ক এই সমাৱেশৰ বাবে আমন্ত্রণ জনোৱা হৈছিল ।
শনিবাৰৰ পৰা তিনিদিনিয়াকৈ আমেৰিকাৰ জৰ্জিয়াৰ আটলাণ্টাত অনুষ্ঠিত ৬৩ সংখ্যক আমেৰিকান ছ'চাইটী অৱ হেমাট’লজীৰ বাৰ্ষিক সমাৱেশত সমল ব্যক্তি হিচাপে ডাঃ পবিত্র গগৈয়ে অংশগ্রহণ কৰিছে(Assam doctor to attend American society of hematology conference ) । সমাৱেশত বিশেষকৈ লিউকেমিয়া, লিম্ফোমা তথা মাল্টিপ'ল মাইলোমা আৰু হিমগ্ল'বিন সম্পৰ্কীয় ৰক্তৰ বিভিন্ন ৰোগ সন্দৰ্ভত ডাঃ পবিত্র গগৈয়ে নিজৰ প্ৰেজেণ্টেচন দাঙি ধৰে ।