অসমত ক'ভিড-19 আক্ৰান্তৰ সংখ্যা 1830 লৈ বৃদ্ধি ৷

1800 অতিক্ৰম কৰিলে অসমত ক'ভিড-19 আক্ৰান্তৰ সংখ্যাই ৷ শেহতীয়াকৈ 74 গৰাকী আক্ৰান্ত চিনাক্ত হৈছে ৰাজ্যৰ 3 খন জিলাত ৷ অৱশ্য়ে আক্ৰান্তসকলৰ অধিকাংশই কোৱাৰেন্টাইন চেন্টাৰত থকা বুলি জানিব পৰা গৈছে ৷

নিউজ ডেস্ক, 3 জুন :অসমত অভাৱনীয়ভাৱে ক'ভিড-19 আক্ৰান্তৰ সংখ্যা বৃদ্ধি পাবলৈ ধৰিছে ৷ দ্ৰুত গতিত আক্ৰান্তৰ সংখ্যা বৃদ্ধিয়ে ৰাইজক এক প্ৰকাৰ চিন্তাতো পেলাইছে ৷ ৰাজ্যখনত মুঠ ক'ভিড-19 আক্ৰান্তৰ সংখ্যা ইতিমধ্যে দুহেজাৰৰ কাষ চাপিছে ৷ ইয়াৰে অধিকাংশ আক্ৰান্ত ব্যক্তি বহিঃৰাজ্যৰ পৰা আহি কোৱাৰেন্টাইন হৈ আছিল ৰাজ্যৰ বিভিন্ন কোৱাৰেন্টাইন কেন্দ্ৰত ৷

শেহতীয়াকৈ ৰাজ্যৰ তিনিখন জিলাত ধৰা পৰিছে মুঠ 74 গৰাকী ক'ভি়ড-19 আক্ৰান্ত ব্যক্তি ৷ ধুবুৰী জিলাত 59 গৰাকী, নগাঁও জিলাত 14 গৰাকী আৰু ওদালগুৰি জিলাত এগৰাকী লোকৰ দেহত এই ভাইৰাছৰ অৱস্থিতি ধৰা পৰিছে ৷ বৰ্তমানলৈকে সৰ্বমুঠ 1410 গৰাকী ব্যক্তি চিকিৎসাধীন হৈ থকাৰ বিপৰীতে 413 গৰাকী ইতিমধ্যে আৰোগ্য হৈ চিকিৎসালয়ৰ পৰা অব্যহতি লাভ কৰিছে ৷ আনহাতে ৰাজ্যত ক'ভিড-19 ৰ ফলত মৃত্যু হোৱা লোকৰ সংখ্যা হৈছে 4 গৰাকী ৷

লগতে পঢ়ক :চিৰাঙত খাদ্যৰ অভাৱত কোৱাৰেণ্টাইন কেন্দ্ৰৰ পৰা পলায়ন