নিউজ ডেস্ক, 19 জুলাইঃ প্ৰতিদিনে অসমত দ্ৰুত গতিত বৃদ্ধি পাইছে কৰ’ণাত আক্ৰান্ত ৰোগীৰ সংখ্যা ৷ 18 জুলাইলৈ অসমত ক’ভিড 19ত আক্ৰান্ত মুঠ ৰোগীৰ সংখ্যা 22,981 গৰাকীলৈ বৃদ্ধি পাইছে ৷ অসমৰ স্বাস্থ্য মন্ত্ৰী ডঃ মন্ত্ৰী হিমন্ত বিশ্ব শৰ্মাই টুইটৰ জৰিয়তে প্ৰকাশ কৰে এই কথা ৷
শনিবাৰৰ দিনটোত ৰাজ্যখনত মুঠ 1,117 গৰাকী লোকৰ দেহত ধৰা পৰিছে কৰ’ণা ভাইৰাছৰ সংক্ৰমণ ৷ এই সংক্ৰমিত লোক সকলৰ ভিতৰত গুৱাহাটী মহানগৰীতে চিনাক্ত হৈছে 515 গৰাকী লোক ৷ ইপিনে বিগত 24 ঘণ্টাৰ ভিতৰত অসমত আন দুজন লোকে কৰ’ণা মহামাৰীত প্ৰাণ হেৰুৱাইছে ৷ ইয়াৰ ফলত অসমত ক’ভিড 19 ত আক্ৰান্ত হৈ মৃত্যু মুখত পৰা লোকৰ সংখ্যা 53 গৰাকীলৈ বৃদ্ধি পাইছে ৷