গুৱাহাটী,৩০ নৱেম্বৰ :যোৰহাটত সোমবাৰে সংঘটিত অমানৱীয় কাণ্ডক (Jorhat mob lynching case) লৈ প্ৰতিক্ৰিয়া ব্যক্ত কৰিছে অসমৰ মুখ্যমন্ত্ৰী ড৹ হিমন্ত বিশ্ব শৰ্মাই । সমগ্ৰ ঘটনা সন্দৰ্ভত শোকপ্ৰকাশ কৰিছে মুখ্যমন্ত্ৰীয়ে । লগতে ফাষ্ট ট্ৰেক আদালতৰ জৰিয়তে দোষীক কঠোৰ শাস্তি দিয়াৰ বাবে প্ৰশাসনক নিৰ্দেশ মুখ্যমন্ত্ৰীগৰাকীৰ ।
এমাহৰ ভিতৰত দোষীসকলৰ বিৰুদ্ধে চাৰ্জশ্বিট দাখিল কৰিবলৈও অসম আৰক্ষীক নিৰ্দেশ দিছে মুখ্যমন্ত্ৰীগৰাকীয়ে । অসম আৰক্ষীৰ বিশেষ শাখাৰ আৰক্ষী সঞ্চালক প্ৰধান জি পি সিঙক এই ঘটনাৰ তদন্তৰ দায়িত্ব দিছে মুখ্যমন্ত্ৰীয়ে (GP Singh to probe Jorhat mob lynching case) ৷ মুখ্যমন্ত্ৰীগৰাকীৰ নিৰ্দেশমৰ্মে ইতিমধ্যে ৰাজ্য চৰকাৰৰ মন্ত্ৰী ডাঃ ৰণোজ পেগু উপস্থিত হৈছে দুৰ্ভগীয়া পৰিয়ালটোৰ বাসগৃহত ।