দশম শ্ৰেণীলৈ বাধ্যতামূলক হ'ল ভূগোল আৰু বুৰঞ্জী

দশম শ্ৰেণীলৈ বাধ্যতামূলক হ'ব ভূগোল আৰু বুৰঞ্জী বিষয় ৷ চৰকাৰৰ চতুৰ্দশ কেবিনেটত এই সিদ্ধান্ত গ্ৰহণ ৰাজ্য চৰকাৰৰ ৷ এতিয়াৰে পৰা ৰাজ্যৰ প্ৰতিখন বিদ্যালয়ত দশম শ্ৰেণীলৈকে বাধ্যতামূলক হ'ব ভূগোল আৰু বুৰঞ্জী বিষয় ৷ আগন্তুক বৰ্ষৰ পৰা উচ্চতৰ মাধ্যমিকলৈ উন্নীত কৰা হ’ব ৰাজ্যৰ প্ৰতিখন উচ্চ মাধ্যমিক বিদ্যালয়ক ৷

নিউজ ডেস্ক , 20 আগষ্ট :এতিয়াৰে পৰা দশম শ্ৰেণীলৈ বাধ্যতামূলক হ'ব ভূগোল আৰু বুৰঞ্জী বিষয় ৷ শুকুৰবাৰে অনুষ্ঠিত চৰকাৰৰ চতুৰ্দশ কেবিনেটত ৰাজ্য চৰকাৰে লোৱা এই সিদ্ধান্তৰ কথা সদৰী কৰে মুখ্যমন্ত্ৰী ড৹ হিমন্ত শৰ্মাই ৷ মুখ্যমন্ত্ৰী ড৹ শৰ্মাই জানিবলৈ দিয়া অনুসৰি এতিয়াৰে পৰা ৰাজ্যৰ প্ৰতিখন বিদ্যালয়ত দশম শ্ৰেণীলৈকে ভূগোল আৰু বুৰঞ্জী বিষয় বাধ্যতামূলক হ'ব ৷

মুখ্যমন্ত্ৰীগৰাকীয়ে সদৰী কৰা মতে, আগন্তুক বৰ্ষৰ পৰা ৰাজ্যৰ প্ৰতিখন উচ্চ মাধ্যমিক বিদ্যালয়ক উচ্চতৰ মাধ্যমিকলৈ উন্নীত কৰা হ’ব ৷ ৰাষ্ট্ৰীয় শিক্ষানীতি অনুসৰি প্ৰতিখন জুনিয়ৰ কলেজত নৱম শ্ৰেণীৰ পৰা দ্বাদশ শ্ৰেণীলৈ পাঠদান হ'ব ৷ এই ব্যৱস্থাৰ বাবে বিদ্যালয় একত্ৰীকৰণ আৰু অন্যান্য প্ৰয়োজনীয় পদক্ষেপ চৰকাৰে গ্ৰহণ কৰিব বুলি ড৹ শৰ্মাই সদৰী কৰে ৷

লগতে পঢ়ক :মহানগৰীত বন্ধ হ'ব পেট্ৰ'ল-ডিজেল চালিত বাছ

অসম মাধ্যমিক শিক্ষা পৰিষদ আৰু অসম উচ্চতৰ মাধ্যমিক শিক্ষা সংসদক একত্ৰীকৰণ কৰা হ’ব বুলি মুখ্যমন্ত্ৰীগৰাকীয়ে জানিবলৈ দিয়ে ৷

বিজেপি মিত্ৰজোঁটৰ চৰকাৰখনে ১০০ দিন সম্পূৰ্ণ কৰে ৷ মিত্ৰজোঁট চৰকাৰৰ দ্বিতীয়টো কাৰ্যকালৰ এশ দিন সম্পূৰ্ণ হোৱাৰ উপলক্ষ্যে অনুষ্ঠিত হোৱা চতুৰ্দশ কেবিনেট বৈঠকত মুখ্যমন্ত্ৰী ড৹ হিমন্ত বিশ্ব শৰ্মাই কেবিনেটে গ্ৰহণ কৰা কোইবাটাও গুৰুত্বপূৰ্ণ সিদ্ধান্তৰ বিষয়ে সদৰী কৰে ৷ গুৱাহাটীৰ অসম প্ৰশাসনীয় পদাধিকাৰী মহাবিদ্যালয়ত অনুষ্ঠিত কেবিনেট বৈঠকৰ পাচতে মুখ্যমন্ত্ৰী ড৹ হিমন্ত বিশ্ব শৰ্মাই এখন সংবাদমেল সম্বোধন কৰি কেবিনেটে গ্ৰহণ কৰা সিদ্ধান্ত সমূহৰ বিষয়ে উল্লেখ কৰে ৷

লগতে পঢ়ক :চৰকাৰৰ ১০০ দিন : কেবিনেটে ল'লে কেইবাটাও গুৰুত্বপূৰ্ণ সিদ্ধান্ত