গুৱাহাটী, 2 আগষ্ট : হায়দৰাবাদত নিৰ্মাণ হ’ব ‘অসম ভৱন’ । অসম চৰকাৰে গ্ৰহণ কৰিছে এই সিদ্ধান্ত । অসমত সুদীৰ্ঘ কাল সেৱা আগবঢ়াই অৱসৰ গ্ৰহণ কৰা আই এ এছ বিষয়া ভি এছ ভাস্কৰক (V S Bhaskar) ইয়াৰ বাবে দায়িত্ব অৰ্পণ কৰিছে অসম চৰকাৰে ।
আই এ এছ বিষয়া ভি এছ ভাস্কৰ ভাস্কৰক এই গুৰু দায়িত্ব পালনৰ বাবে অসম চৰকাৰে এক নিৰ্দেশ যোগে পুনৰ নিযুক্তি প্ৰদান কৰিছে । সেই নিৰ্দেশ অনুসৰি হায়দৰাবাদত অসম ভৱন নিৰ্মাণ (Assam Bhawan)ৰ বাবে প্ৰয়োজনীয় ভূমিৰ ব্যৱস্থা কৰাৰ বাবে তেলেংগানা চৰকাৰৰ সৈতে সকলো ধৰণৰ যোগাযোগ আৰু সমন্বয় ৰক্ষাৰ দায়িত্ব দিয়া হৈছে ভি এছ ভাস্কৰক । প্ৰস্তাৱিত অসম ভৱনৰ সৈতে এখন চিকিৎসালয়ো সংলগ্ন কৰি ৰখাৰ চিন্তা কৰিছে অসম চৰকাৰে ।
হায়দৰাবাদত নিৰ্মাণ হ’ব অসম ভৱন আনহাতে, আন এক নিৰ্দেশ যোগে ৰাজ্য চৰকাৰে প্ৰশাসনৰ শীৰ্ষ মহলত সামান্য সালসলনি ঘটাইছে । সেই অনুসৰি অতিৰিক্ত মুখ্য সচিব পৱন কুমাৰ বৰঠাকুৰক অতিৰিক্তভাৱে অসম প্ৰশাসনিক ট্ৰিবিউনেলৰ অধ্যক্ষৰ দায়িত্বও দিয়া হৈছে ।
হায়দৰাবাদত নিৰ্মাণ হ’ব অসম ভৱন একেদৰে, ছপা আৰু লেখন বিভাগৰ সচিব নীৰা গগৈ সোণোৱালক অতিৰিক্তভাৱে বৰাক উপত্যকাৰ মাণ্ডলিক আয়ুক্ত আৰু পাৰ্বত্য অঞ্চল উন্নয়ন বিভাগৰ উন্নয়ন আয়ুক্তৰ দায়িত্ব অৰ্পণ কৰা হৈছে । আনহাতে, ৰাজহ বিভাগৰ (Revenue Department) সচিব অমিতাভ ৰাজখোৱাক অতিৰিক্তভাৱে ন্যস্ত কৰা হৈছে শ্ৰম আয়ুক্তৰ দায়িত্ব ।
লগতে পঢ়ক-সৰ্বানন্দ বিহীন মাজুলীত কোনে বিলাব আনন্দ ?
