গুৱাহাটী, ৩ জুলাইঃ দেশৰ তীৰ্থস্থান অথবা বিদেশ ভ্ৰমণ কৰিব বিছৰা লোকসকলৰ বাবে সুখবৰ । অতি কম খৰচতে ভাৰত ভ্ৰমণৰ সুবিধা দিব ৰে'ল বিভাগে ।
তীৰ্থস্থান দৰ্শনৰ বাবে ভাৰতীয় ৰে'ল বিভাগৰ বিশেষ পদক্ষেপ
ভাৰতীয় ৰেল বিভাগৰ অধীনস্থ Indian Railway Catering and Tourism Corporation নামৰ সংস্থাটোৱে ভাৰত তথা বিদেশ ভ্ৰমণ যাত্ৰীৰ বাবে হাতত লৈছে এক বিশেষ পদক্ষেপ । চলিত বৰ্ষৰ আগষ্ট মাহতেই যাব প্ৰথমটো ভ্ৰমণ । অতি কম খৰচতে হৰিদ্বাৰ, হৃষিকেশ, বেনাৰচলৈ যাব পাৰিব যাত্ৰীসকলে । ভাৰত ভ্ৰমণৰ নামত প্ৰতিজন যাত্ৰীৰ পৰা ৮,৫০০ টকা ধাৰ্য কৰিছে ৰে'ল বিভাগটোৱে । তাৰোপৰি খোৱা-লোৱা, বিভিন্ন পৰ্যটন স্থলী পৰিভ্ৰমণ কৰা আদিৰ বাবে যাত্ৰীয়ে ব্যয় কৰিব নালাগে কোনো অতিৰিক্ত ধন । লগতে যাত্ৰীসকলৰ ভ্ৰমণৰ সময়ত পৰ্যাপ্ত নিৰাপত্তাৰক্ষী, গীত মাতৰ ব্যৱস্থা কৰিছে বিভাগটোৱে ।