গুৱাহাটী, 26 এপ্ৰিল: চৰকাৰৰ বৰ্তমান স্থিতিৰ লগতে অসমৰ জনসাধাৰণৰ বাবে ল'ব লগীয়া ব্যৱস্থা সমূহক লৈ অসম প্ৰদেশ কংগ্ৰেছৰ মুখপাত্ৰ অপূৰ্ব কুমাৰ ভট্টচাৰ্যৰ প্ৰতিক্ৰিয়া । বি জে পি নেতৃত্বাধীন চৰকাৰখনে এই অভাৱনীয় পৰিস্থিতিত কৃষকসকলৰ বাবে যি পদক্ষেপ গ্ৰহণ কৰিব লাগিছিল সেই অনুপাতে ব্যৱস্থা গ্ৰহণ কৰা নাই বুলি অভিযোগ অপূৰ্ব কুমাৰ ভট্টাচাৰ্যৰ ৷ লগতে অসম চৰকাৰ তথা কৃষি বিভাগে কৃষকসকলৰ বাবে যি ব্যৱস্থা গ্ৰহণ কৰিছে সেয়া পুতৌজনক বুলি মন্তব্য কৰিছে মুখপাত্ৰ গৰাকীয়ে। লগতে অসম ৰাজ্যিক বিপণন পৰিষদৰ জৰিয়তে কৃষকৰ উৎপাদিত সামগ্ৰী ক্ৰয় কৰি জিলাই জিলাই উৎপাদিত সামগ্ৰী সমূহ চৰকাৰে বিক্ৰী কৰাৰ ব্যৱস্থা গ্ৰহণ কৰিবৰ বাবে আহ্বান জনালে মুখপাত্ৰ গৰাকীয়ে।
কৃষকসকলৰ বাবে চৰকাৰে একোৱেই কৰিব পৰা নাইঃ অপূৰ্ব কুমাৰ ভট্টাচাৰ্য