গুৱাহাটী,2 নৱেম্বৰ : সকলোৰে উৎকণ্ঠাৰ অন্ত পেলাই অসম লোকসেৱা আয়োগে 2022 বৰ্ষৰ মূল পৰীক্ষাৰ ফলাফল বৃহস্পতিবাৰে ঘোষণা কৰে । অহা 16 নৱেম্বৰৰ পৰা অনুষ্ঠিত হ’ব অসম লোকসেৱা আয়োগৰ নিৰ্বাচিত প্ৰাৰ্থীসকলৰ সাক্ষাৎকাৰ । এই কথা সদৰী কৰে অসম লোকসেৱা আয়োগৰ অধ্যক্ষ ভাৰত ভূষণ দেৱচৌধুৰীয়ে ।
অহা ৩০ ডিচেম্বৰলৈ অনুষ্ঠিত হ’ব অসম লোকসেৱা আয়োগৰ নিৰ্বাচিত প্ৰাৰ্থীসকলৰ মৌখিক সাক্ষাৎকাৰ । উল্লেখযোগ্য যে 8, 9 আৰু 10 জুলাইত অনুষ্ঠিত হৈছিল মূল পৰীক্ষা । যিসকল পৰীক্ষাৰ্থীয়ে এই পৰীক্ষাত অৱতীৰ্ণ হৈছিল তেওঁলোকে অসম লোকসেৱা আয়োগৰ ৱেবছাইট apsc.nic.inত লগ ইন কৰি নিজৰ ফলাফল চাব পাৰিব । পি ডি এফ ফৰ্মেটত এ পি এছ চি ৰ ৱেবছাইটত উপলব্ধ হৈছে ফলাফল ।
উল্লেখ্য যে চলিত বছৰত অসম লোকসেৱা আয়োগৰ 26 মাৰ্চত অনুষ্ঠিত হোৱা 913 টা বিভিন্ন পদৰ বাবে প্ৰাৰম্ভিক পৰীক্ষাত অৱতীৰ্ণ হৈছিল প্ৰায় 74,368 গৰাকী পৰীক্ষাৰ্থীয়ে ৷ যোৱা এপ্ৰিল মাহত ঘোষিত হোৱা ফলাফলত 10,148 গৰাকী পৰীক্ষাৰ্থীৰ প্ৰাৰম্ভিক পৰীক্ষাত উত্তীৰ্ণ হৈছিল ৷