অনুসূচিত জাতিক স্বায়ত্ব শাসন প্ৰদানৰ দাবীত চচলত অৱস্থান ধৰ্মঘট

অনুসূচিত জাতি যুৱ ছাত্ৰ পৰিষদৰ উদ্যোগত অৱস্থান ধৰ্মঘট কাৰ্যসূচী

গুৱাহাটী, 15 মাৰ্চ : অসমৰ অনুসূচিত জাতিক স্বায়ত্ব শাসন প্ৰদানৰ দাবীত চচলত অৱস্থান ধৰ্মঘট অনুসূচিত জাতি যুৱ ছাত্ৰ পৰিষদৰ৷ প্ৰায় ৪০ লাখ অনুসূচিত জাতিৰ লোকৰ উন্নয়ন আৰু কল্যাণৰ স্বাৰ্থত তেওঁলোকক স্বায়ত্ব শাসন ব্যৱস্থালৈ আনিব লাগে বুলি দাবী সংগঠনটোৰ ৷ স্বায়ত্ব শাসন ব্যৱস্থা নোহোৱাৰ বাবেই অনুসূচিত জাতিৰ বাবে আবন্টিত ধন মন্ত্ৰী বিধায়কে আত্মসাৎ কৰি আহিছে বুলিও অভিযোগ তোলে সংগঠনটোৱে ৷ ইপিনে চলিত বৰ্ষৰ বিত্তীয় বাজেটতো অনুসূচিত জাতিৰ বাবে কোনো ধৰণৰ বিশেষ আঁচনি হাতত নল'লে বিজেপি চৰকাৰে যাৰ বাবে এনে প্ৰতিবাদী কাৰ্যসূচী হাতত লৈছে সংগঠনটোৱে ৷ আনহাতে এই প্ৰতিবাদী কাৰ্যসূচীৰ জৰিয়তে চৰকাৰৰ এনে বৈষম্যমূলক আচৰণৰ বিৰুদ্ধে জনমত গঢ়ি প্ৰতিবাদ কৰি যাব বুলি হুংকাৰ প্ৰদান কৰে সংগঠনটোৱে ৷