গুৱাহাটী,2অক্টোবৰঃ "যোৱা বাৰতকৈ কঠিন ৰূপত আহিব নাগৰিকত্ব সংশোধনী বিধেয়ক । উত্তৰ-পূৱৰ কিছুমান ৰাজ্যক বিধেয়কখনৰ পৰা আঁতৰাই ৰখা হ'ব । বিশেষ ৰাজ্যৰ মৰ্যদা পোৱা ৰাজ্য বিলাক আৰু ষষ্ঠ অনুসূচীৰ অন্তৰ্ভুক্ত ৰাজ্য সমূহক সম্ভৱতঃ এই বিধেয়কৰ পৰা আঁতৰাই ৰাখিব । তেতিয়া অসম ভয়ংকৰ বিপদৰ সন্মুখীন হ'ব ।"-বুধবাৰে এক সংবাদমেল সম্বোধন কৰি এই মন্তব্য কৃষক নেতা অখিল গগৈৰ ৷
তেওঁ লগতে মন্তব্য কৰে যে, এতিয়া অসমত ২০ লাখ হিন্দু বাংলাদেশী আছে । এই বিধেয়ক গৃহীত হ'লে নতুনকৈ ১ কোটি ৭০ লাখ হিন্দু বাংলাদেশী ভাৰতলৈ আহিব কিয়নো 'বুড়ো অব বাংলাদেশ ষ্ট্ৰেটেটিক্স'ত এই তথ্য আছে । ইপিনে অহা ১১ অক্টোবৰৰ পৰা নাগৰিকত্ব সংশোধনী বিধেয়কৰ বিৰুদ্ধে অসমৰ গাঁও, চৰ-চাপৰি, পাহাৰ, ভৈয়াম ইত্যাদিত কৃষক মুক্তি সংগ্ৰাম সমিতিয়ে সজাগতা অভিযান চলোৱাৰ কথা ঘোষণা কৰে কৃষক নেতাগৰাকীয়ে । ইমানেই নহয়, অক্টোবৰ মাহৰ শেষৰ ফালে নাগৰিকত্ব সংশোধনী বিধেয়কৰ বিৰুদ্ধে গুৱাহাটীত কেন্দ্ৰীয় জাতীয় অভিৱৰ্তন অনুষ্ঠিত হ'ব বুলিও মন্তব্য কৰে অখিল গগৈয়ে । য'ত অসমৰ সকলো জাতি-জনগোষ্ঠীয়, বামপন্থী, সংখ্যালঘু সংগঠনৰ নেতাৰ উপস্থিতিত থাকিব ।
আৰু পঢ়কঃ গান্ধীৰ প্ৰতিমূৰ্তিৰ তলত প্ৰতিবাদত বহিল প্ৰাক্তন শিক্ষামন্ত্ৰী