গুৱাহাটী, ২৯ জুনঃ নিয়া(NIA)ৰ আদালতে ৪৫ বছৰীয়া বিধায়ক তথা ৰাইজৰ দলৰ সভাপতি অখিল গগৈ(Akhil Gogoi)ক চাবুৱা থানাত ৰুজু হৈ থকা গোচৰত দোষমুক্ত কৰে যদিও চান্দমাৰি থানাত থকা গোচৰৰ পৰা মুক্তি দিয়া নাই । নেতাগৰাকীৰ অধিবক্তা গৰাকীয়ে জানিবলৈ দিয়া অনুসৰি চান্দমাৰি থানাৰ গোচৰৰ শুনানি অহা ৩০ জুন (বুধবাৰে)ত নিয়া আদালত(NIA court)ত হ'ব । তাৰ প্ৰাকমূহুর্তত মংগলবাৰে মহানগৰীৰ মদঘৰীয়াস্থিত ৰাইজৰ দলৰ মুখ্য কাৰ্যালয় (Raijor dol head office)ত এক সংবাদমেল সম্বােধন কৰি ৰাইজৰ দলৰ নেতা ভাস্কো ডি শইকীয়াই (Bhasko D Saikia) কেবাটাও গুৰুত্বৰ অভিযোগ উত্থাপন কৰে ।
এই সংবাদমেল সম্বােধন কৰি নেতাগৰাকীয়ে কয় যে, অখিল গগৈৰ বিৰুদ্ধে পুনৰ ষড়যন্ত্র কৰিছে চৰকাৰ তথা নিয়াই । চার্জ ফ্রেম’ৰ শুনানি শেষ মূহূৰ্তত দাখিল কৰিছে ‘নিয়া'ৰ অতিৰিক্ত অভিযােগনামা । নাম-ঠিকনা গােপন ৰখা বেনামী সাক্ষীৰ সাক্ষাতৰ ভিত্তিত দাখিল কৰিছে অতিৰিক্ত অভিযােগনামা । অখিল গগৈৰ জনপ্রিয়তাত ভয় খাই চৰকাৰে নতুন ষড়যন্ত্র ৰচনা কৰিছে বুলি অভিযোগ তুলি তেওঁ কয় যে ‘নিয়া'ক ব্যৱহাৰ কৰি চৰকাৰে ৰচনা কৰিছে যড়যন্ত্র ।
অখিল গগৈক লৈ গভীৰ ষড়যন্ত্ৰৰ অভিযোগ ৰাইজৰ দলৰ নেতা ভাস্কোডি শইকীয়াৰ আগন্তুক বিধানসভা উপ-নির্বাচন(upcoming by election)ৰ আগত যাতে অখিল গগৈ জে’লৰ পৰা বাহিৰ ওলাব নােৱাৰে তাৰ বাবে ষড়যন্ত্র আৰম্ভ কৰিছে হিমন্ত বিশ্ব শৰ্মা নেতৃত্বাধীন বিজেপি চৰকাৰে । মুখ্যমন্ত্রী হিমন্ত বিশ্ব শৰ্মাক সপােনতাে অখিল গগৈৰ জনপ্রিয়তাৰ ভূতে খেদি আছে বুলি কটাক্ষ কৰিছে শইকীয়াই ৷
ইয়াৰ লগতে তেওঁ কয় যে, অখিল গগৈক চাবুৱা থানাৰ গােচৰত 'নিয়া'ৰ আদালত দোষমুক্ত ঘােষণা কৰাৰ পাছতেই বিজেপি চৰকাৰে পুনৰ ষড়যন্ত্র আৰম্ভ কৰিছে । চানমাৰি থানাৰ গােচৰটোৰ চার্জ ফ্রেম(Search frame)’ৰ শুনানি শেষ মূহূৰ্তত মঙলবাৰে ‘নিয়া'ই অখিল গগৈৰ বিৰুদ্ধে এখন অতিৰিক্ত অভিযােগনামা দাখিল কৰিছে । পূর্ব অভিযােগনামাৰ দৰে এই অভিযােগনামাতাে নাই কোনাে প্রত্যয়জনক সাক্ষ্যপ্রমাণ । পূর্বৰ অভিযােগনামাৰ দৰে মংগলবাৰে দাখিল কৰা অতিৰিক্ত অভিযােগনামাৰাে ভিত্তি নাম-ঠিকনা গােপনে ৰখা বেনামী সাক্ষী।
উল্লেখ্য যে, চানমাৰি থানাৰ গােচৰটোত অখিল গগৈৰ হৈ চার্জফ্রেমৰ যুক্তি প্রদর্শন ইতিমধ্যেই শেষ হৈছে । বুধবাৰে এই গােচৰটোত ‘নিয়া'ৰ যুক্তি প্রদর্শন আছে । কিন্তু তাৰ পূর্বে মংগলবাৰে পুনৰ দাখিল কৰা হ’ল ভুৱা সাক্ষ্যৰ ভিত্তিত অতিৰিক্ত অভিযােগনামা । সেয়েহে, ৰাইজৰ দলৰ শীৰ্ষ নেতা ভাস্কোডি শইকীয়াই স্পষ্ট কৰি কয় যে, সকলাে বিৰােধী ৰাজনৈতিক শক্তিৰ মাজত আত্মসমর্পণৰ মনােভাৱ দেখা গৈছে । এই মূহূৰ্তত অখিল গগৈয়ে আপােচবিহীনভাৱে বিজেপি বিৰােধিতাৰ পতাকাখন তুলি ধৰিছে ।
বিজেপি চৰকাৰখনে জানে যে, অখিল গগৈয়ে কেতিয়াও আত্মসমর্পণ নকৰে, আপোচ নকৰে । এই কথাতে ভয়ভীত হৈ অখিল গগৈ যাতে কোনােপধ্যে মুকলি আকাশৰ তললৈ ওলাই আহিব নােৱাৰে, তাৰবাবে ৰচনা কৰিছে ইটোৰ পাছত সিটো যড়যন্ত্র । কিন্তু এই ষড়যন্ত্রৰ জাল ফালি মুকলি আকাশৰ তললৈ আহিব বুলি কৈ ভাস্কোডি শইকীয়াই আশা প্ৰকাশ কৰে ।
লগতে পঢ়ক :প্ৰসংগ APSC কেলেংকাৰী: প্ৰাক্তন DIGৰ পুত্ৰ, সাংবাদিকৰ আত্মীয়ক তলব
