গুৱাহাটী, 25 জুন :অৱশেষত কাৰাৰুদ্ধ কৃষক নেতা তথা শিৱসাগৰ সমষ্টিৰ বিধায়ক অখিল গগৈক দুদিনৰ বাবে সকাহ প্ৰদান কৰিছে নিয়া(NIA) আদালতে ৷ অখিল গগৈক দুদিনৰ বাবে যোৰহাট জিলাৰ চেলেংহাট স্থিত ঘৰলে যাবলৈ অনুমতি প্ৰদান কৰিছে নিয়া আদালতে ৷ উল্লেখ্য যে, অসুস্থ মাতৃক সাক্ষাৎ কৰিবৰ বাবে অনুমতি বিচাৰি আদালত আবেদন কৰিছিল অখিল গগৈয়ে ৷
শুকুৰবাৰে অখিল গগৈ অধিবক্তাই কৰা ১৫ দিনীয়া আবেদনৰ শুনানিৰ অন্তত NIA আদালতে বিধায়ক তথা ৰাইজৰ দল সভাপতি কৃষক নেতা অখিল গগৈক দুদিনৰ অনুমতি দিয়ে । বিধায়ক গগৈৰ অধিবক্তাই বিগত ডেৰ বছৰে তেওঁৰ অসুস্থ মাতৃ আৰু ক'ভিড পজিটিভ হোৱা নিজ সন্তানক সাক্ষাৎ কৰিবলৈ পোন্ধৰ দিনৰ অনুমতি বিচাৰিছিল ৷
উল্লেখ্য যে, যদিও নিয়া আদালতে অখিল গগৈক দুদিনৰ অনুমতি প্ৰদান কৰিছে। অৱশ্যে গগৈক এই অনুমতি দিয়া হৈছে যদিও আদালতে তেওঁক এছক’ৰ্ট লগত লৈহে মাতৃ-পুত্ৰক সাক্ষাৎ কৰিব পাৰিব বুলি নিৰ্দেশ দিয়ে। অখিল গগৈক অনুমতি প্ৰদান কৰি আদালতে কয়, মাতৃ-পুত্ৰক সাক্ষাৎ কৰিবলৈ যোৱাৰ সময়ত অখিল গগৈ শিৱসাগৰ সমষ্টিলৈ যাব নোৱাৰিব ৷