বিজেপিৰ দৰে আমি হিতাধিকাৰী সৃষ্টিৰ ৰাজনীতি নকৰোঃ লুৰীণজ্যোতি গগৈ

শনিবাৰে মাছখোৱাস্থিত আই.টি.এ. প্ৰকল্পত অনুষ্ঠিত হয় অসম জাতীয় পৰিষদৰ যোগদান কাৰ্যসূচি । উক্ত সভাতে অসম জাতীয় পৰিষদৰ নীতি আৰু আদৰ্শৰ প্ৰতি আকৃষ্ট হৈ দলটোত যোগদান কৰিলে আম আদমী পাৰ্টিৰ সংখ্যালঘু কোষৰ সভাপতি সহ ৭৪ জনীয়া এটি দলে । একেদৰে দলটোত যোগদান কৰে সমাজ সেৱক অকন শইকীয়াই।

গুৱাহাটী,2 জানুৱাৰীঃ বিজেপিয়ে দলীয় কৰ্মীৰ একাউন্টত ধন ভৰাই দি হিতাধিকাৰী সৃষ্টি কৰাৰ ৰাজনীতি কৰিছে । আমি তেনে ৰাজনীতি নকৰো । হিতাধিকাৰী সৃষ্টি কৰা জাতীয় পৰিষদৰ লক্ষ্য নহয় । হিমন্ত বিশ্বই কিমানক স্কুটি দিলে ৰাজহুৱা কৰক । ৮৩০ টকা কিমানজনে পালে হিচাপ দিয়ক। বিনামূলীয়া চিলিণ্ডাৰ কিমানজনে পালে তাৰ তথ্য দিব পাৰিবনে ? এইবোৰ ৰাইজৰ প্ৰাপ্য । শনিবাৰে এইদৰে মন্তব্য কৰে অসম জাতীয় পৰিষদৰ সভাপতি লুৰীণ জ্যোতি গগৈয়ে ।

শনিবাৰে মাছখোৱাস্থিত আই.টি. এ. প্ৰকল্পত অনুষ্ঠিত হয় অসম জাতীয় পৰিষদৰ এক যোগদান কাৰ্যসূচী । উক্ত সভাতে অসম জাতীয় পৰিষদৰ নীতি আৰু আদৰ্শৰ প্ৰতি আকৃষ্ট হৈ দলটোত যোগদান কৰিলে আম আদমী পাৰ্টিৰ সংখ্যালঘু কোষৰ সভাপতিসহ ৭৪ জনীয়া এটি দলে । একেদৰে দলটোত যোগদান কৰে সমাজসেৱক অকণ শইকীয়াই ।

ইপিনে যোগদান কাৰ্যসূচিত উপস্থিত থাকি অসম জাতীয় পৰিষদৰ সভাপতি লুৰীণ জ্যোতি গগৈৰ মন্তব্য " জাতীয় পৰিষদৰ প্ৰতি মানুহৰ আগ্ৰহ আৰু উৎসাহ বৃদ্ধি পাইছে । আগন্তুক সময়ত এই যোগদান কাৰ্যসূচী ব্যাপক ৰূপত বৃদ্ধি পাব । ৰাইজেই আমাৰ মূলধন । বিজেপি চৰকাৰে ধন বল, বাহু বল আৰু প্ৰলোভনৰ ৰাজনীতি কৰি ধৰ্মৰ নামত বিভাজন কৰিব বিচাৰিছে । তাৰ পৰিৱৰ্তে আমি সকলোৱে সমন্বয়ৰে, ঐকৰে সমাজখন আগুৱাই লৈ যাব লাগিব । ২১ ত এইবাৰ জাতীয়তাবাদৰ চৰকাৰ হ'ব বুলি ক’লে অসম জাতীয় পৰিষদৰ সভাপতি লুৰীণজ্যোতি গগৈয়ে ৷

লগতে পঢ়কঃ ঘোষণা হ'ল হাইস্কুল শিক্ষান্ত পৰীক্ষা আৰু উচ্চতৰ মাধ্যমিক পৰীক্ষাৰ সময়সূচী