অসমক ক’লা চাহাব সৃষ্টিৰ কাৰখানাত পৰিণত কৰিব খুজিছে চৰকাৰে

অসমীয়া জাতিৰ ভাষা কৃষ্টি সংস্কৃতি সকলো ধ্বংস কৰি অসমখনক ক’লা চাহাব সৃষ্টিৰ কাৰখানাত পৰিণত কৰিব খুজিছে অসমৰ মুখ্যমন্ত্ৰী হিমন্ত বিশ্ব শৰ্মাই ৷ একপক্ষীয়ভাৱে মুখ্যমন্ত্ৰীগৰাকীয়ে মাধ্যমিক শিক্ষাৰ সন্দৰ্ভত সিদ্ধান্ত লৈছে ৷ সংবাদমেল আয়োজন কৰি এই মন্তব্য কৰে সাংসদ অজিত কুমাৰ ভূঞাই (Ajit Kumar Bhuyan criticized Assam CM) ।

গুৱাহাটী, 30 আগষ্ট :অসমৰ সৰ্বকালৰ অহংকাৰী, স্বৈৰাচাৰী মুখ্যমন্ত্ৰী হিমন্ত বিশ্ব শর্মা ৷ তেওঁ অসমীয়া জাতিৰ ভাষা-কৃষ্টি-সংস্কৃতি সকলো ধ্বংস কৰি অসমখনক ক’লা চাহাব সৃষ্টিৰ কাৰখানাত পৰিণত কৰিব খুজিছে ৷ মঙলবাৰে গুৱাহাটী প্ৰেছ ক্লাৱত এক সংবাদমেল আয়োজন কৰি এই মন্তব্য কৰে ৰাজ্যসভাৰ সাংসদ অজিত কুমাৰ ভূঞাই (Ajit Kumar Bhuyan criticized Assam CM) ।

সংবাদমেলতে ভূঞাই কয় যে, হিমন্ত বিশ্ব শৰ্মাৰ চৰকাৰে নতুন শিক্ষা ব্যৱস্থা (New education system) আনি জাতি বিৰোধী আৰু বেপাৰী সুলভ মনোভাৱৰ পৰিচয় দিছে । আনকি বিভিন্ন অজুহাত দেখুৱাই বৃহৎ সংখ্যক মাতৃভাষা মাধ্যমৰ বিদ্যালয় চামিলকৰণৰ নামত চিৰদিনলৈ বন্ধ কৰি দিয়াৰ চক্ৰান্ত কৰিছে এই বিজেপি চৰকাৰে ৷

আনহাতে, ৰাজ্যৰ মুখ্যমন্ত্ৰীগৰাকীয়ে একপক্ষীয়ভাৱে মাধ্যমিক শিক্ষাৰ সন্দৰ্ভত লোৱা এই সিদ্ধান্তবোৰ ৰাষ্ট্ৰীয় শিক্ষানীতি 2020 (National Education Policy 2020 ) ৰ সম্পূৰ্ণ পৰিপন্থী বুলিও উল্লেখ কৰে সাংসদগৰাকীয়ে ৷ লগতে তেওঁ কয় যে অসম চৰকাৰৰ এই হঠকাৰী সিদ্ধান্তই ৰাজহুৱা শিক্ষা ব্যৱস্থাটো একেবাৰে ধ্বংস কৰি পেলোৱাৰ লগতে গ্ৰাম্য সমাজৰ বৃহৎ সংখ্যক ছাত্ৰ-ছাত্ৰীক শিক্ষাৰ পৰা বঞ্চিতও কৰিব ৷

উক্ত সংবাদমেলতে সাংসদ অজিত কুমাৰ ভূঞাই কয়, বিজেপিৰ মূল শত্ৰু হিমন্ত বিশ্ব শৰ্মা । মোগলৰ কথা কৈ ভাষা মাধ্যমৰ কথাটো তল পেলাব বিচাৰিছে মন্ত্ৰী শৰ্মাই ।

লগতে পঢ়ক :চিকিৎসালয় ব্যক্তিগতকৰণৰ বিৰোধিতা মানিক সৰকাৰৰ