গুৱাহাটী , 16 নৱেম্বৰঃ "বিজেপি কেতিয়াও অসম আৰু অসমীয়াৰ হ'ব নোৱাৰে । বিজেপিয়ে নাগৰিকত্ব সংশোধনী বিধেয়কৰ দ্বাৰা অসমীয়া জাতি, অসমীয়া ভাষা-সংস্কৃতিৰ লগতে অসমৰ জাতীয়তাবাদ নিঃশেষ কৰিবলৈ উঠি-পৰি লাগিছে । বিজেপিয়ে বর্তমানলৈকে যিমান সিদ্ধান্ত গ্ৰহণ কৰিছে সকলোবোৰ সিদ্ধান্ত অসম আৰু অসমীয়া বিৰোধী । এ আই ইউ ডি এফ দলে পূৰ্বেও কেবৰ বিৰোধিতা কৰিছে আৰু আগন্তক দিনটো কেবৰ বিৰোধিতা কৰি যাব" ৷ শনিবাৰে মহানগৰীত এক সংবাদমেলযোগে এই মন্তব্য কৰিলে এ আই ইউ ডি এফ দলৰ সাধাৰণ সম্পাদক আমিনুল ইছলামে ৷
কেবৰ বিৰুদ্ধে ৰাজ্যজুৰি প্ৰতিবাদ কৰিব এ আই ইউ ডি এফে - কেবৰ বিৰুদ্ধে ৰাজ্যজুৰি প্ৰতিবাদ কৰিব এ আই ইউ ডি এফে
"বিজেপি দলে সদায় দুমুখীয়া স্থিতি গ্ৰহণ কৰি আহিছে ৷ এফালে বিজেপিয়ে কেবৰ জৰিয়তে বিদেশী আনিব আৰু আনফালে অসম চুক্তিৰ ৬ নং দফা কাৰ্যকৰী কৰি বিদেশৰ পৰা অনা লোক সকলক তেওঁলোকে পাব লগীয়া বিভিন্ন অধিকাৰৰ পৰা বঞ্চিত কৰিব ।" সংবাদমেলযোগে এই মন্তব্য কৰিলে এ আই ইউ ডি এফৰ সাধাৰণ সম্পাদক আমিনুল ইছলামে ৷
বিজেপি কেতিয়াও অসম আৰু অসমীয়াৰ হ'ব নোৱাৰে
লগতে পঢ়কঃ ৰাজপথত প্ৰতিবাদত কিয় নামিল বিজেপি সভাপতি!