গুৱাহাটী,২১ মে' : পঞ্চদশ অসম বিধানসভাৰ আজি প্ৰথমখন অধিৱেশনৰ দিনা এ আই ইউ ডি এফ দলৰ এটা প্ৰতিনিধি দলে মুখ্যমন্ত্রী হিমন্ত বিশ্ব শৰ্মাক সাক্ষাৎ কৰে। এআইইউডিএফ দলৰ সভাপতি মৌলানা বদৰুদ্দিন আজমলৰ নিৰ্দেশমৰ্মে বিধায়িনী দলৰ তৰফৰ পৰা শোণিতপুৰ জিলাৰ জামুগুৰিহাটত চলোৱা অমানৱীয় উচ্ছেদ প্ৰসংগত মুখ্যমন্ত্ৰী ড° হিমন্ত বিশ্ব শৰ্মাক এখন স্মাৰক পত্ৰ প্ৰদান কৰে।
মুখ্যমন্ত্ৰীৰ কাৰ্যালয়ত দলটোৱে উপস্থিত হৈ সকলোধৰণৰ উচ্ছেদ বন্ধ কৰাৰ লগতে উচ্ছেদিত লোকসকলক পুনৰ সংস্থাপন দিবলৈ আবেদন জনায়। এই ক্ষেত্ৰত মুখ্যমন্ত্ৰীয়ে ইতিবাচক সহাঁৰি জনাই বুলি দলটোৱে জানিবলৈ দিয়ে।