কংগ্ৰেছৰ গাত ষড়যন্ত্ৰৰ দোষ জাপিলে অতুল বৰাই
গুৱাহাটী, ১০ অক্টোবৰ: অগপ দলৰ কেইবাগৰাকী শীৰ্ষ নেতাই কংগ্ৰেছ দলত যোগদান কৰাৰ কথা মঙলবাৰে সম্পূৰ্ণভাৱে নসাৎ কৰে অগপৰ সভাপতি অতুল বৰাই । গুৱাহাটীত অগপৰ আমবাৰী কাৰ্যালয়ত অনুষ্ঠিত অগপৰ কেন্দ্ৰীয় কাৰ্যনিৰ্বাহক সভাৰ অন্তত বৰাই কয় যে অগপৰ দলৰ কোনো শীৰ্ষ নেতা কংগ্ৰেছ দলত যোগদান নকৰে । এয়া অপপ্ৰচাৰ, কংগ্ৰছৰ ষড়যন্ত্ৰ ।
উল্লেখ্য যে অগপৰ চাৰিগৰাকীকৈ জ্যেষ্ঠ নেতাই কংগ্ৰেছত যোগদান কৰাৰ বাবে প্ৰস্তুতি চলোৱা বুলি চৰ্চিত হৈ আছিল । দলটোৰ কেইজনমান নেতাই নিজৰ স্বাৰ্থৰ বাবে দলটোক ব্যৱহাৰ কৰি অহাৰ পৰিপ্ৰেক্ষিতত বহু জ্যেষ্ঠ নেতা বৰ্তমান ক্ষোভিত হৈ পৰিছিল । দলটোৰ জন্মলগ্নৰে পৰা জড়িত হৈ থকা বহু নেতাই দলটোত অস্তিত্বহীন হৈ পৰিছে । যাৰ বাবেই একাংশই কংগ্ৰেছ দললৈ যোৱাৰ বাবে মন মেলিছে বুলি চৰ্চা লাভ কৰিছিল ।