সুৰা প্ৰস্তুতকাৰী প্ৰতিষ্ঠানত আবকাৰী বিভাগৰ অভিযান

উল্লেখ্য যে অভিযোগ অনুসৰি হিমালয়ান ডিষ্টিলেৰী প্ৰাইভেট লিমিটেড নামৰ সুৰা প্ৰস্তুতকাৰী প্ৰতিষ্ঠানটোত কেৱল ৰয়েল হৰ্ছ আৰু তাকিলা বেণ্ডৰ সুৰা প্ৰস্তুত কৰাৰহে বিভাগীয় অনুমতি আছিল যদিও অভিযোগ অনুসৰি উক্ত প্ৰতিষ্ঠানটোৱে দীৰ্ঘদিন ধৰি চোৰাঙকৈ জব্দ কৰা উক্ত কেছা মালৰ জৰিয়তে মেগদল চেলিব্ৰেচন বেণ্ডৰ ৰ'ম প্ৰস্তুত কৰি অবৈধ ব্যৱসায় অব্যাহত ৰাখি মুনাফা অৰ্জন কৰি আহিছিল ।

যোৰাবাট, 13 ছেপ্তেম্বৰঃ যোৰাবাটৰ ১২ মাইলৰ হিমালয়ান ডিষ্টিলেৰী প্ৰাইভেট লিমিটেড নামৰ সুৰা প্ৰস্তুতকাৰী প্ৰতিষ্ঠানত বৃহস্পতিবাৰে আবকাৰী বিভাগৰ অভিযান। অভিযানৰ সময়ত আবকাৰী বিভাগে হিমালয়ান ডিষ্টিলেৰী প্ৰাইভেট লিমিটেড নামৰ সুৰা প্ৰস্তুতকাৰী প্ৰতিষ্ঠানটোৱে অবৈধভাৱে উদ্যোগটোৰ সমীপৰে এটা গুদামত মজুত কৰি ৰখা বৃহৎ পৰিমানৰ সুৰা প্ৰস্তুত কৰা কেছামাল "ENA" জব্দ কৰে ৷

উল্লেখ্য যে অভিযোগ অনুসৰি হিমালয়ান ডিষ্টিলেৰী প্ৰাইভেট লিমিটেড নামৰ সুৰা প্ৰস্তুতকাৰী প্ৰতিষ্ঠানটোত কেৱল ৰয়েল হৰ্ছ আৰু তাকিলা বেণ্ডৰ সুৰা প্ৰস্তুত কৰাৰহে বিভাগীয় অনুমতি আছিল যদিও অভিযোগ অনুসৰি উক্ত প্ৰতিষ্ঠানটোৱে দীৰ্ঘদিন ধৰি চোৰাংকৈ জব্দ কৰা উক্ত কেছা মালৰ জৰিয়তে মেগদল চেলিব্ৰেচন বেণ্ডৰ ৰ'ম প্ৰস্তুত কৰি অবৈধ ব্যৱসায় অব্যাহত ৰাখি মুনাফা অৰ্জন কৰি আহিছিল । অভিযানকাৰী আবকাৰী বিভাগৰ দলটোৱে বৃহস্পতিবাৰে এই অভিযানত উক্ত গুদামটোত অবৈধভাৱে মজুত কৰি ৰখা কেইবালক্ষাধিক টকা মূল্যৰ কেছামালৰ লগতে মেগদল ছেলিব্ৰেচন ৰ'ম বৃহৎ পৰিমাণৰ সাফৰ আৰু বটল জব্দ কৰে। লগতে আৰু দুটা মান বিলাতী সুৰাৰ অবৈধ ভাণ্ডাৰ জব্দ কৰিবলৈ সক্ষম হয় আবকাৰী বিভাগৰ দলটোৱে ৷