আৰম্ভ হ'ল এন আৰ চিৰ দাবী-অপত্তিৰ শুনানি

কেন্দ্ৰসমূহত ৰাইজৰ দীঘলীয়া শাৰী

গুৱাহাটী, ১৫ ফেব্ৰুৱাৰীঃ শুকুৰবাৰৰ পৰা আৰম্ভ হ'ল ৰাষ্ট্ৰীয় নাগৰিকপঞ্জীৰ উন্নীতকৰণৰ দাবী-আপত্তিৰ শুনানি। প্ৰথম দিনটোতে শুনানি কেন্দ্ৰসমূহত পৰিলক্ষিত হৈছে ৰাইজৰ দীঘলীয়া শাৰী।

উচ্চতম ন্যায়ালয়ৰ তত্বাৱধানত চলি থকা ৰাষ্ট্ৰীয় নাগৰিক পঞ্জীৰ উন্নীতকৰণ প্ৰক্ৰিয়াৰ দ্বিতীয় খচৰাৰ পৰা পৰ্যাপ্ত নথি-পত্ৰৰ অভাৱত যিসকল লোকৰ নাম বাদ পৰিছিল তেওঁলোকে নিজৰ নাম খচৰাখনত সন্নিবিষ্ট কৰাৰ বাবে পুনৰ আবেদন জনাইছিল। সেই আবেদনকাৰী সকলে শুকুৰবাৰৰ পৰা শুনানি কেন্দ্ৰসমূহত নিজৰ তথ্যসমূহ প্ৰদান কৰিব পাৰিব।