গুৱাহাটী, ১৯ নৱেম্বৰ: এক নৃশংস হত্যাকাণ্ডই চাঞ্চল্যৰ সৃষ্টি কৰিছে মহানগীৰৰ বশিষ্ঠত। অচিনাক্ত দুৰ্বৃত্তৰ হাতত প্ৰাণ গ'ল এগৰাকী মহিলাৰ। বশিষ্ঠৰ পিলিংকাটাৰ শিৱ পথত সোমবাৰে নিশা সংঘটিত হয় এই চাঞ্চল্যকৰ হত্যাকাণ্ড। শিৱ পথৰ ৭নং গৃহৰ বাসিন্দা ৰীণা দাস নামৰ মহিলাগৰাকীক নিশা নিজৰ ঘৰতে অচিনাক্ত দুৰ্বৃত্তই হানি-খুচি হত্যা কৰে। ক্ষত-বিক্ষত অৱস্থাত শৌচালয়ৰ ভিতৰত উদ্ধাৰ হয় মহিলাৰ মৃতদেহ। প্ৰায় ডেৰ বছৰ পূৰ্বে চৰকাৰী চাকৰিৰ পৰা অব্যাহতি লৈছিল ৰীণা দাসে।
মহানগৰীত এগৰাকী মহিলাক নৃশংসভাৱে হত্যা