গুৱাহাটী, 14 অক্টোবৰ :25 বছৰ অতিক্ৰম কৰিলে মহানগৰীৰ এখন বিশেষ পূজাই ৷ পূজাখন বিশেষ বুলি এই বাবেই কোৱা হৈছে কিয়নো এই পূজাৰ সকলো কাম-কাজ পৰিচালনা কৰে মহিলাই ৷ সাধাৰণতে ৰাজহুৱা বৈদিক কাম-কাজ, পূজা-পাৰ্বণত আগভাগ লোৱা দেখা যায় পুৰুষসকলক ৷ কিন্তু মহানগৰীৰ পাথৰকুঁৱেৰীত অনুষ্ঠিত এই পূজাভাগত সকলো কাম-কাজ সম্পন্ন কৰে মহিলাসকলে ৷
108 টা ঘট স্থাপন কৰি উদযাপন কৰা এখন দুৰ্গা পূজা
পূজাখনৰ আয়োজক সমিতিৰ সকলো বিষয়ববীয়া মহিলা হোৱাৰ সমান্তৰালকৈ আপুনি দেখা পাব পুৰোহিতৰ আসন অলংকৃত কৰিছে মহিলাই ৷ মহানগৰীৰ পাথৰকুঁৱেৰীৰ ১ নং মঠঘৰীয়াৰ শ্ৰীশ্ৰী মা মনসা মন্দিৰ পূজা সমিতিত সুলভ হৈছে এই দৃশ্য ৷ বিগত বছৰৰ সমূহৰ দৰে এইবেলিও ক’ভিড প্ৰট’কল মানি চলি সমিতিখনে অনুষ্ঠিত কৰিছে শাৰদীয় দুৰ্গা পূজাৰ ৷ 2006 চনৰ পৰা চলি অহা এই পূজাভাগ সম্পূৰ্ণ বৈদিক ৰীতি-নীতিৰে অনুষ্ঠিত কৰা হয় ৷