কৃষিমন্ত্ৰী অতুল বৰাৰ মন্তব্য গুৱাহাটী, ১৮ ডিচেম্বৰ : খানাপাৰা পশু চিকিৎসা মহাবিদ্যালয় খেলপথাৰত তিনিদিনীয়াকৈ অনুষ্ঠিত অষ্টম অসম আন্তঃৰাষ্ট্ৰীয় কৃষি-উদ্যান শস্য মেলাৰ সোমবাৰে সামৰণি পৰিল । আজিৰ এই শস্য মেলাখনৰ সামৰণি অনুষ্ঠানত বিশিষ্ট অতিথি হিচাপে উপস্থিত থাকে অসম বিধানসভাৰ অধ্যক্ষ বিশ্বজিত দৈমাৰী । লগতে উপস্থিত থাকে কৃষিমন্ত্ৰী অতুল বৰা, অজন্তা নেওগ, যোগেন মোহন, অসম বীজ নিগমৰ অধ্যক্ষ প্ৰবীণ হাজৰিকা, অসম ৰাজ্যিক কৃষি বিপণন পৰিষদৰ অধ্যক্ষ মনোজ বৰুৱাকে আদি কৰি বহু কেইজন বিশিষ্ট ব্যক্তি ।
কৃষি-উদ্যান শস্য মেলাৰ সামৰণি এই অনুষ্ঠানতে কৃষিমন্ত্ৰী অতুল বৰাই কয়, ‘আন্তৰ্জাতিক মেলাখনৰ বাবেই অসমৰ এচাম যুৱ উদ্যোগীৰ প্ৰচেষ্টাত স্বকীয় মানবিশিষ্ট ৰাজ্যখনৰ বিভিন্ন শস্যই বিশ্বৰ বজাৰত আজি ভুমুকি মাৰিবলৈ সক্ষম হৈছে আৰু কৃষকসকলে মুখ্যমন্ত্ৰী ড৹ হিমন্ত বিশ্ব শৰ্মাৰ সবল নেতৃত্বত চলি থকা আত্মনিৰ্ভৰ অসম গঢ়াৰ যাত্ৰাত উল্লেখনীয় ভূমিকা ল’ব পাৰিছে । আজি দৃঢ়তাৰে ক’ব খোজোঁ যে যি লক্ষ্য-উদ্দেশ্যৰে এই মেলাখনি আয়োজন কৰা হৈছে, তাৰ সাৰ্থকতাৰ প্ৰতিচ্ছবিখন আৰু ইয়াৰ প্ৰভাৱ অনাগত দিনবোৰত আমাৰ কৃষক ৰাইজে সকলোৰে আগত দাঙি ধৰিবলৈ সক্ষম হ’ব’ ।
কৃষি-উদ্যান শস্য মেলাৰ সামৰণি তেওঁ লগতে উল্লেখ কৰে, ‘মুখ্যমন্ত্ৰী ড৹ হিমন্ত বিশ্ব শৰ্মাৰ বলিষ্ঠ নেতৃত্বত অনাগত সময়তো আমি ৰাজ্যখনৰ কৃষক ৰাইজৰ স্বাৰ্থত এনেকুৱা কাৰ্যসূচী অব্যাহত ৰাখিবলৈ প্ৰয়াস কৰি যাম’ । উল্লেখ্য যে, ১৬ ডিচেম্বৰৰ পৰা ১৮ ডিচেম্বৰলৈ তিনিদিনীয়াকৈ আয়োজন কৰা হৈছিল অষ্টম অসম আন্তঃৰাষ্ট্ৰীয় কৃষি-উদ্যান শস্য মেলাৰ । এই শস্য মেলাত মালয়েছিয়া, দক্ষিণ কোৰিয়া, বাংলাদেশ, মংগোলিয়া, ভূটান, নিউজীলেণ্ড, ইৰাণ, ইন্দোনেছিয়াকে ধৰি বিশ্বৰ ১১ খন বহি:ৰাষ্ট্ৰৰ প্ৰতিনিধিয়ে অংশগ্ৰহণ কৰে ।
কৃষি-উদ্যান শস্য মেলাৰ সামৰণি "কৃষকৰ আয় বৃদ্ধিৰে স্ব-নিৰ্ভৰশীলতাৰ ক্ষেত্ৰত এখোজ'' মূল বিষয় হিচাপে ৰাখি অনুষ্ঠিত কৰা মেলাখনত ২২৩ খন প্ৰদৰ্শনী বিপণিয়ে ভাগ লয় । আজিৰ এই সামৰণি অনুষ্ঠানটিত ৰাষ্ট্ৰীয় আৰু ৰাজ্যিক পৰ্যায়ৰ কেইবাগৰাকীও কৃষকক সম্বৰ্ধনা জ্ঞাপন কৰাৰ লগতে আন্তৰ্জাতিক মেলাখনত কেইবাটাও শিতানৰ প্ৰতিযোগিতাৰ শ্ৰেষ্ঠ বঁটাৰ বাবে নিৰ্বাচিত হোৱাসকলক বঁটা প্ৰদান কৰা হয় ।
লগতে পঢ়ক :বহিৰাগত কোনোবা এজন লালুকী-ভালুকীক আনি তৈলমৰ্দন কৰিলে নহ’ব: বীৰ লাচিত সেনা
