প্রধানমন্ত্ৰীৰ অসম ভ্ৰমণৰ সময়ত বিজেপিলৈ প্ৰদেশ কংগ্ৰেছৰ ৬ টা প্রত্যক্ষ প্রশ্ন

প্রধানমন্ত্ৰীৰ অসম ভ্ৰমণৰ প্ৰাকক্ষণত সোমবাৰে গুৱাহাটীস্থিত ৰাজীৱ ভৱনত অসমৰ ৰাইজৰ দুর্দশাৰ কথা ব্যক্ত কৰি প্ৰদেশ কংগ্ৰেছ কমিটিৰ সভাপতি ৰিপুন বৰাই এক সংবাদমেল সম্বোধন কৰিছিল। প্রদেশ কংগ্ৰেছৰ কাৰ্যালয়ত আয়ােজিত এই সংবাদমেলত বিজেপিৰ শাসনত হোৱা বিফলতা সন্দৰ্ভত বিজেপি চৰকাৰলৈ ৰিপুন বৰাই 6 টা প্রত্যক্ষ প্রশ্ন কৰে ৷

গুৱাহাটী,২২ ফেব্ৰুৱাৰী: প্রধানমন্ত্ৰী নৰেন্দ্ৰ মোডীৰ অসম ভ্ৰমণৰ প্ৰাকক্ষণত সোমবাৰে গুৱাহাটীস্থিত ৰাজীৱ ভৱনত অসমৰ ৰাইজৰ দুর্দশাৰ কথা ব্যক্ত কৰি প্ৰদেশ কংগ্ৰেছৰ সভাপতি ৰিপুন বৰাই এক সংবাদমেল সম্বোধন কৰি বিজেপিৰ শাসন কালত হোৱা বিফলতা সন্দৰ্ভত 6টা প্রত্যক্ষ প্রশ্ন কৰে ৷ প্ৰশ্ন কেইটা হ'ল-

1. অসমৰ জনসাধাৰণৰ আশা-আকাংক্ষাক আওকাণ কৰি কিয় "কা" আইন বলৱৎ কৰিবলৈ লৈছে ?

2. পূৰ্বৰ প্রতিশ্রুতি অনুসৰি 97% লােকক সংস্থাপন দিব কিয় নােৱাৰিলে ?

3. চুতীয়া,কোচ-ৰাজবংশী,মৰাণ,মটক,টাই-আহােম আৰু চাহ জনগােষ্ঠীকে ধৰি ছয় জনগােষ্ঠীক বিজেপিয়ে জনগােষ্ঠীকৰণ কৰাৰ প্রতিশ্রুতি দি কিয় পাহৰি গ'ল ?

4. কিয় অসমৰ চাহ শ্রমিক সকলক অৱহেলা কৰা হৈছে ? চাহ শ্রমিক সকলৰ দৈনিক মজুৰী 351 টকালৈ বৃদ্ধি কৰাৰ প্রতিশ্রুতি দি কিয় মাত্র 217 টকালৈ বৃদ্ধি কৰিলে ?

5. অত্যাৱশ্যকীয় সামগ্রীৰ মূল্য বৃদ্ধি কৰাত কিয় ব্যৰ্থ হৈছে ৰাজ্য চৰকাৰ ?

6. বিজেপি চৰকাৰে 30 টকাত পেট্ৰ'ল কিনি 90 টকাত বিক্ৰী কৰি আছে ?

লগতে পঢ়ক:পঞ্জীয়নবিহীন ভাবেই ভোট যুদ্ধত নামিবলগীয়া হ'ব নেকি নতুন দল