দুপৰীয়া 3 বজাৰ দহটা শীৰ্ষ বাতৰি

দুপৰীয়া 3 বজাৰ দহটা শীৰ্ষ বাতৰি...

ৰাজ্যত পুনৰ সাংবাদিকৰ হত্যাকাণ্ড ৷ তিনিচুকীয়াৰ ন-পুখুৰীত সংঘটিত এই চাঞ্চল্যকৰ হত্যাকাণ্ড ৷

কেৰালাৰ কোজিকোডেত ভয়ংকৰ বিমান দুৰ্ঘটনা ৷ দুৰ্ঘটনাৰ ফলত 18 গৰাকী যাত্ৰীয়ে প্ৰাণ হেৰুওৱাৰ লগতে আঘাতপ্ৰাপ্ত হ'ল বহু কেইগৰাকী ৷

ৰাজ্যত কেইবাটাও নতুন আঞ্চলিক ৰাজনৈতিক শক্তিয়ে সমাগত নিৰ্বাচনৰ বাবে প্ৰস্তুতি চলাইছে যদিও অগপক কোনো ধৰণে প্ৰভাৱিত কৰিব নোৱাৰে ৷ ইটিভি ভাৰতৰে হোৱা এক আছুতীয়া সাক্ষাৎকাৰত সমাগত নিৰ্বাচনৰ বিষয়ে এনে বহুতো তাৎপৰ্যপূৰ্ণ মন্তব্য আগবঢ়ালে অগপৰ সভাপতি তথা মন্ত্ৰী অতুল বৰাই ৷

ৰাজ্যৰ ৩৩ খন জিলাৰ ভিতৰত ধেমাজি,বাক্সা,চিৰাং,কোকৰাঝাৰ,কামৰূপ (মহানগৰ) আৰু মৰিগাঁৱৰ বহু অঞ্চল এতিয়া আছে বাঢ়নী পানীৰ তলত। ৰাজ্যৰ বান পৰিস্থিতি উন্নত হৈছে যদিও বিভিন্ন নৈপৰীয়া অঞ্চলত তাণ্ডৱ অব্যাহত আছে গৰাখহনীয়াৰ ৷

বিবিধ প্ৰজাতিৰ চৰাইৰ মাতেৰে মুখৰিত হৈ পৰিছে বাক্সা জিলাৰ তামুলপুৰ মহকুমা সদৰৰ মটঙাচক ৷ বিভিন্ন প্ৰজাতিৰ পক্ষী বিলুপ্ত হোৱাৰ সময়তে অঞ্চলটোৰ বাসিন্দা ৰহিনী ব্ৰহ্ম নামৰ লোকজনৰ বাঁহ গছত আশ্ৰয় লৈছে বিভিন্ন প্ৰজাতি বগলী আৰু পানী কাউৰী চৰায়ে ৷

ৰাজ্যখনত গংগা,মহানন্দা,বাগমতী লগতে কেইবাখনো নদীৰ জলস্তৰ বিপদসীমাৰ ওপৰেদি বৈছে ৷

বিগত 24 ঘণ্টাত দেশত 61,537 গৰাকী লোকৰ দেহত পোৱা গৈছে কৰ'ণা মহামাৰীৰ অৱস্থিতি ৷ আনহাতে এই মহামাৰীত আক্ৰান্ত হৈ 933 গৰাকী লোকে বিগত 24 ঘণ্টাত মৃত্য়ুক সাৱটি লৈছে ৷ কেন্দ্ৰীয় স্বাস্থ্য মন্ত্ৰণালয়ে প্ৰকাশ কৰে এই তথ্য ৷

ধুবুৰীত ড্ৰাগছ আসক্তৰ হাতত প্ৰাণ হেৰুৱালে নিৰীহ লোকে

লক ডাউন আৰু কৰণাতংকৰ মাজতে ধুবুৰীত ভয়ংকৰ ঘটনা । দিন দুপৰতেই চোকা অস্ত্ৰৰে হানি খুচি হত্যা কৰা হ'ল এজন লোকক । গ্ৰেপ্তাৰ হত্যাকাৰী যুৱক ।

কৰ‘ণা মহামাৰীৰ সময়তে সম্প্ৰীতিৰ এক অনন্য নিদৰ্শন দেখা গ'ল হাইলাকান্দিত । সম্প্ৰীতিৰ এক অনন্য নিদৰ্শন ডাঙি ধৰিলে একাংশ মুছলমান সম্প্ৰদায়ৰ লোকে ।

লাডাখৰ দৌলাত বেগ ওল্ডী অঞ্চলত ভাৰতীয় সেনা বাহিনীৰ বিষয়ববীয়া আৰু চীনৰ পিপুলছ লিবাৰেছন আৰ্মীৰ মেজৰ জেনেৰেল মাজত শনিবাৰে অনুষ্ঠিত হ'ব এখন বৈঠক ৷ বৈঠকত লাডাখ অঞ্চলৰ এলএচিৰ পৰা চীনক উভতাই পঠিওৱা সন্দৰ্ভত আলোচনা কৰিব বুলি সদৰি কৰে সেনা বাহিনীৰ বিশেষ সূত্ৰই ৷