হাগ্ৰামাৰ ভয়ত লিলিত আৱদ্ধ ২২ নৱ নিৰ্বাচিত পাৰিষদ

হাগ্ৰামাৰ ভুতে স্পৰ্শ কৰিব নোৱাৰাকৈ হোটেল লিলিৰ বিলাসী কোঠাত আৱদ্ধ বিটিচিৰ ২২ গৰাকীকৈ নৱ নিৰ্বাচিত পাৰিষদ ৷

গুৱাহাটী,১৬ ডিচেম্বৰ: শপত গ্ৰহণ কৰিও যেন আশংকামুক্ত হ'ব পৰা নাই প্ৰমোদ বড়ো বাহিনী। হাগ্ৰামা মহিলাৰীৰ ভুতে এতিয়াও খেদি ফুৰিছে প্ৰমোদ বড়ো আৰু ড৹ হিমন্তবিশ্ব শৰ্মাক । বিটিচি নিৰ্বাচনী ফলাফল ঘোষণা হোৱাৰ দিনাৰে পৰা গুৱাহাটীৰ ছয়মাইলস্থিত হোটেল লিলিত আৱদ্ধ কৰি ৰখা হৈছে ইউ পি পি এল, বিজেপি আৰু জি এছ পিৰ নিৰ্বাচিত পাৰিষদবৰ্গক । প্ৰথমে এই সংখ্যা আছিল ২১ গৰাকী । কিন্তু ইতিমধ্যে কংগ্ৰেছৰ একমাত্ৰ নিৰ্বাচিত এম চি এল এ গৰাকীয়েও বিজেপিত যোগ দিয়াত সম্প্ৰতি হোটেলখনত বন্দী কৰি ৰখা এম চি এল এৰ সংখ্যা হৈছে ২২ গৰাকী ।

কটকটীয়া নিৰাপত্তাৰ মাজতে হোটেল লিলিত আৱদ্ধ কৰি ৰখা এই সকল পাৰিষদকৰ মোবাইল ফোন সমূহো ইতিমধ্যে লৈ লোৱাৰ লগতে পাৰিষদ সকলক ৰখা কোঠা সমূহৰ ইন্টাৰনেটৰ সংযোগো বিচ্ছিন্ন কৰি দিয়া হৈছে ৷ যাতে কোনো ধৰণে বি পি এফে তেওঁলোকক প্ৰলোভিত কৰিব নোৱাৰে কিম্বা নিজৰ পক্ষলৈ নিব নোৱাৰে । ২২ গৰাকীকৈ পাৰিষদক ৰাখিবলৈ হোটেল লিলিত ৩৬ টা বিলাসী কোঠাৰ ব্যৱস্থা কৰা হৈছে । অহৰ্নিশে তদাৰক কৰি আছে ডঃ হিমন্তবিশ্ব শৰ্মা, পীযুষ হাজৰিকা আৰু পল্লৱলোচন দাসে । মুঠতে বৰ্হিজগতৰ পৰা সম্পূৰ্ণ বিচ্ছিন্ন কৰি ৰখা হৈছে এইসকল পাৰিষদক । হাগ্ৰামাৰ ভুতে যাতে তেওঁলোকক স্পৰ্শ কৰিব নোৱাৰে তাৰ বাবেই এই ব্যৱস্থা গ্ৰহণ কৰিছে নেকি ?লগতে পঢ়ক:মদ-মাংস বিলাই তিৱা নিৰ্বাচনৰ প্ৰচাৰ চলাইছে বিজেপিয়ে:সাংসদ প্ৰদ্যুৎ বৰদলৈ