যোৰহাটত কালেকচন মেনেজাৰৰ দাদাগিৰি

গুণ্ডাবাহিনী লৈ ZOMATO DELIVERY BOY ক প্ৰহাৰ বাজাজ ফাইনেঞ্চৰ মৃগাংগ বৰঠাকুৰ নামৰ কালেকচন মেনেজাৰৰ ।

যোৰহাট,৩০ আগষ্টঃযোৰহাটত গুণ্ডাৰ ৰূপত বাজাজ ফাইনেঞ্চৰ কালেকচন মেনেজাৰ । ঋণ পৰিশোধ কৰিব নোৱাৰা গ্ৰাহকক গুন্ডা লগায় ৰাজপথতে প্ৰহাৰ কালেকচন মেনেজাৰৰ । ZOMATOত কৰ্মৰত অভিজিৎ নামৰ যুৱক জনে বিগত জুলাই মাহত বাজাজ ফাইনেঞ্চৰ যোগেদি অপ' কোম্পানীৰ এফ ১১ নামৰ এটা ২৩ হাজাৰ টকীয়া মোবাইল ক্ৰয় কৰিছিল । প্ৰতি মাহে ১৫০০ টকাকৈ মোবাইলটোৰ ই এম আই দিয়াৰ চুক্তি আছিল কোম্পানীৰ সৈতে । কিন্তু মাতৃৰ অসুস্থতাৰ বাবে আগষ্ট মাহৰ ই এম আই পৰিশোধ কৰিব নোৱাৰে যুৱকজনে ।

ই এম আই পৰিশোধ কৰিব নোৱাৰাৰ বাবেই অভিজিৎক বেয়াকৈ গালি-গালাজ কৰে মৃগাংগ নামৰ কালেকচন মেনেজাৰ জনে । ইয়াৰোপৰি, যোৰহাট চিনামৰাৰ আব্দুল হানান নামৰ এটা গুণ্ডা লৈ যোৰহাট ষ্টেডিয়ামৰ সমীপত কৰ্মৰত অৱস্থাতে অভিজিৎক শাৰীৰিক ভাৱে অপদষ্ঠ কৰে । ইতিমধ্যে, ঘটনা সন্দৰ্ভত এজাহাৰ দাখিল কৰিছে ভুক্তভোগী অভিজিৎয়ে ।