কৃষিৰ জৰিয়তে স্বাৱলম্বী টীয়কৰ ভাস্কৰ

বহিঃৰাজ্যলৈ কৰ্ম সংস্থাপন হিচাৰি যোৱাতকৈ নিজৰ ঘৰতে কৃষিৰ জৰিয়তে সকলোকে স্বাৱলম্বী হ'বলৈ নিৱনুৱা যুৱক যুৱতি সকলক আউনীহাটী সত্ৰৰ সত্ৰাধিকাৰ ডঃ পিতাম্বৰ দেৱ গোস্বামীয়ে অনুৰোধ জনালে ৷ লক্ ডাউনৰ এই মহা সংকটতৰ সময়ত এই পদ্ধতি অৱলম্বন কৰিলে সুফল পোৱা যাব বুলি সত্ৰাধিকাৰ গৰাকীয়ে উল্লেখ কৰে ৷

টীয়ক, 13 মে' : লক্ ডাউনৰ মাজতো টীয়কৰ হাঁহচৰা অঞ্চলৰ উদ্যোমী যুৱক ভাস্কৰ হাজৰিকাই প্ৰায় 10 বিঘা ভূমিত পাঁচ হাজাৰ জোপা ভোঁট জলকীয়া, তিনিশ জোপা নেমুটেঙাকে ধৰি বিভিন্ন শাক-পাচলিৰ খেতি কৰি স্বাৱলম্বী হ'বলৈ সক্ষম হৈছে ৷ টীয়কৰ কলিয়াপানীস্থিত আউনীআটী সত্ৰৰ ভূমিখণ্ডত সত্ৰাধিকাৰ ডঃ পিতাম্বৰ দেৱ গোস্বামীৰ আহ্বানত যুৱকজনে এই খেতি কৰি স্বাৱলম্বী হোৱা বুলি সত্ৰাধিকাৰ গৰাকীয়ে উল্লেখ কৰিলে ৷

লগতে সত্ৰাধিকাৰ গৰাকীয়ে আকৌ কয় যে, লক্ ডাউনৰ ফলত ব্যক্তিগত খণ্ডত নিয়োজিত যুৱক যুৱতীসকল এতিয়া কৰ্ম সংকটত পৰিছে । কিন্তু অসম যিহেতু কৃষি প্ৰধান ৰাজ্য সেয়ে প্ৰতিজন যুৱক যুৱতীয়ে নিজৰ বাৰীতে সাধ্য অনুসৰি কৃষিকৰ্মত নিজকে নিয়োগ কৰিলে এই বিপদৰ সময়ত সকাহ পাব পাৰিব ৷

লগতে কৰ্ম সংস্থাপনৰ বাবে বহিঃৰাজ্যলৈ যোৱাৰ পৰিৱৰ্তে নিজৰ কৃষি ভূমিত কৃষিৰ জৰিয়তে স্বাৱলম্বী হ'বলৈ সত্ৰাধিকাৰ গৰাকীয়ে সকলোকে আহ্বান জনালে ৷

লগতে পঢ়ক : এখন হাস্যমধুৰ চুটি ছবি 'কৰ'ণাসুৰ'