টিয়ক, 21 মে': মঙলবাৰে অল ইণ্ডিয়া মহিলা সাংস্কৃতিক সংগঠনৰ লাহদৈগড় আঞ্চলিক সমিতিয়ে নাৰী নিৰ্যাতন, ধৰ্ষণ, যৌতুক প্ৰথা, মদ - ড্ৰাগছৰ প্ৰচলন বন্ধ কৰাৰ দাবীত এক প্ৰতিবাদী কাৰ্যসূচী গ্ৰহণ কৰে ৷ ইয়াৰ উপৰি সমকামিতা তথা বিবাহ বৰ্হিভূত সম্পৰ্ক বৈধ কৰাৰ বিৰুদ্ধেও প্ৰতিবাদ কৰে সমিতিৰ সদস্যাসকলে ৷ মহিলাসকলে হাতে হাতে বেনাৰ লৈ বিভিন্ন শ্লোগানেৰে লাহদৈগড় মইনাপৰীয়া জনকল্যাণ সংঘৰ পৰা 37 নং ৰাষ্ট্ৰীয় ঘাইপথ হৈ ঢেকীয়াখোৱা তিনিআলিলৈকে প্ৰতিবাদ সাব্যস্ত কৰে ৷
লাহদৈগড়ত মহিলা সংগঠনৰ প্ৰতিবাদী সমদল