মৰণৰ বান : বিদাৰি গ'ল বন্যাৰ্তৰ হিয়া !

বানত একাকাৰ হৈছে বন্যাৰ্তৰ চকুলো ৷ সংহাৰী বানে কৰিছে  কঙাল আৰু থলবিহীন ৷ বানৰ বাবে কৰবাত যদি চোতালতে মৃতদেহ সৎকাৰ কৰিছে, কৰবাত পথৰ ওপৰতে পাতিব লগীয়া হৈছে আদ্য শ্ৰাদ্ধ ৷ ভোগদৈৰ বাঢ়নী পানীয়ে বুৰাইছে যোৰহাট ৷

বানৰ কৱলত পৰি সৰ্বস্বান্ত হৈছে উত্তৰ-পশ্চিম যোৰহাটৰ অঞ্চলবাসী ৷ যোৰহাটৰ ৰান্ধনী জানত পথৰ ওপৰতে শ্ৰাদ্ধ পাতিব লগীয়া হৈছে নৰেন দত্ত নামৰ লোকজনৰ ৷ বাঢ়নী পানীয়ে ঘৰৰ লগতে চোতাল বুৰাই পেলোৱাত উপায়ন্তৰ হৈ এই সিদ্ধান্ত ল'লে লোকজনৰ পৰিয়ালে ৷ মৃতকৰ আত্মাৰ সদগতিৰ বাবে এইদৰে পথৰ ওপৰতে আদ্য শ্ৰাদ্ধ পাতিব লগীয়া দৃশ্য সঁচাকৈয়ে মৰ্মান্তিক ৷