যোৰহাট,24 জুনঃযোৰহাট উপায়ুক্ত কাৰ্যালয়ৰ দুজনকৈ কৰ্মচাৰী কোভিড 19 পজিটিভ বুলি উপায়ুক্তই নিশ্চিত কৰাৰ পিছতেই কন্টেইনমেন্ট জ’ন হিচাপে ঘোষণা কৰা হৈছে কাৰ্যালয়টো ৷ এই বাতৰি বিয়পি পৰাৰ লগে লগে মঙলবাৰে নিশাই প্ৰশাসনে বাকীজাই,এন আৰ চি আৰু ভূমি অভিগ্ৰহণ আৰু অধিগ্ৰহণ বিভাগ তিনিটাও কন্টেইনমেন্ট জ’ন ঘোষণা কৰি সম্পূৰ্ণৰূপে বন্ধ কৰি দিছে ৷
উল্লেখ্য যে,কৰ্মচাৰী দুগৰাকীৰ ভিতৰত এগৰাকী পজিভিট প্ৰমাণিত হোৱাৰ আগমূহুৰ্তলৈকে কাৰ্যালয়তে কৰ্মৰত হৈ আছিল ৷ আনাহতে,চতুৰ্থ বৰ্গৰ কাৰ্মচাৰী গৰাকীৰ বাবে এতিয়া যোৰহাট চহৰত গণ সংক্ৰমণৰ আশংকাও বৃদ্ধি পাইছে ৷ যাৰ বাবে যোৰহাট জিলা প্ৰশাসনে জনসাধাৰণক সাৱধান কৰি দিছে ৷ কিন্তু ইয়াৰ পিছতো যেন পৰিস্থিতিৰ ভয়াৱহতাৰ ওপৰত কোনো গুৰুত্ব আৰোপ কৰা নাই চৰখনৰ একাংশ লোকে ৷ বুধবাৰে পুৱাৰ ভাগতে যোৰহাটৰ নিউভিল ৰোডৰ দৈনিক পাচলি বজাৰত পৰিলক্ষিত হয় ব্যাপক ভিৰ ৷ আনহাতে লোকসকলে সামাজিক দুৰত্বও মানি নচলা পৰিলক্ষিত হৈছে ৷ যাৰ বাবে এতিয়া চিন্তিত হৈ পৰিছে সচেতন মহল ৷
লগতে পঢ়ক-নাৰায়ণপুৰৰ তিনিজনৰ দেহত কোভিড-১৯ পজিটিভ
