টীয়ক,27 ফেব্ৰুৱাৰী:যোৰহাটৰ অন্যতম উচ্চ শিক্ষানুষ্ঠান কাকজান মহাবিদ্যালয়ৰ অৰ্থনীতি বিভাগৰ অৱসৰপ্ৰাপ্ত অধ্যাপক তথা কাকজান আৰোহণ একাডেমী জুনিয়ৰ কলেজৰ ৰেক্টৰ আৰু টীয়কৰ পৰা প্ৰকাশিত 'গণবন্ধু' কাকতৰ সম্পাদক ৰবীন্দ্ৰ নাথ দুৱৰাক শুকুৰবাৰে টীয়কত ৰাজহুৱাভাৱে শ্ৰদ্ধাঞ্জলি জ্ঞাপন কৰা হয় ৷ টীয়ক অৰ্নিবাণ সাংস্কৃতিক গোষ্ঠীৰ প্ৰাক্তন সভাপতি তথা বিভিন্ন সামাজিক অনুষ্ঠানৰ লগত জড়িত বলমা দুৱৰা গাঁৱৰ নিৱাসী ৰবীন দুৱৰাই 17 ফেব্ৰুৱাৰীৰ নিশা যোৰহাটস্থিত মিছন হাস্পতালত শেষ নিশ্বাস ত্যাগ কৰিছিল ৷ স্বাস্থ্যজনিত কাৰণৰ ফলতেই দুৱৰাৰ মৃত্যু ঘটে ৷
প্ৰয়াত শিক্ষাবিদগৰাকীৰ আদ্যশ্ৰাদ্ধৰ দিনটোতে কাকজান মহাবিদ্যালয়ৰ উদ্যোগত তথা আৰোহণ একাডেমী, কাকজান ফুটবল কোচিং চেন্টাৰ, কাকজান ক্ৰীড়া সন্থা, আলোক সন্ধানী মঞ্চ, পূৱ যোৰহাট প্ৰেছ ক্লাবৰ সহযোগত কাকজান মহাবিদ্যলয়ৰ খেলপথাৰত ৰাজহুৱা শ্ৰদ্ধাঞ্জলি অনুষ্ঠানৰ আয়োজন কৰা হয় ৷