যোৰহাট,6 ফেব্ৰুৱাৰীঃসাত সাগৰ তেৰ নদী পাৰ হৈ ভাৰত ফুৰিবলৈ অহা সুদূৰ গ্ৰেট বৃটেইনৰ নিউকেচলৰ পৰ্যটক এলিষ্টাৰ নীল মেকডনাল্ডৰ শেষকৃত্য সমাপন কৰা হয় যোৰহাটৰ তৰাজান শ্মশানত। বিগত ৩১ জানুৱাৰীত যোৰহাটৰ নিমাতী ঘাটৰ "চৰাইদেউ" নামৰ বিলাস বহুল ফেৰীখনত মৃত্যুক সাৱতি লৈছিল ৮৩ বছৰীয়া বৃটিছ পৰ্যটকজনে । তাৰ পিছতেই মৃতদেহটো হস্তান্তৰক লৈ চৰম অনিশ্চয়তাত ভুগিছিল যোৰহাট জিলা প্ৰশাসন । অবিবাহিত পৰ্যটকজনৰ মৃতদেহ হস্তান্তৰ কৰাক লৈ যথেষ্ট আহুকালত পৰিছিল যোৰহাট জিলা প্ৰশাসন। পিছত বৃটিছ কাউন্সিলৰ কাৰ্যালয়ৰ সৈতে হোৱা আলোচনাৰ মৰ্মে বৃহস্পতিবাৰে যোৰহাটৰ তৰাজান শ্মশানতে শেষকৃত্য সম্পন্ন কৰা হয় পৰ্যটকজনৰ । পৰ্যটকজনৰ নিকট আত্মীয় ফিয়না মেকড'নাল্ডৰ অনুমতি আৰু দায়িত্ব অৰ্পণ কৰা ব্যক্তিগত প্ৰতিষ্ঠান "ইণ্ডিয়ান ৰেচকিউ মিছন আৰু ফিউনাৰেল চাৰ্ভিচ" কৰ্মচাৰীৰ উপস্থিতত সম্পূর্ণ হিন্দু ৰীতি নীতি মতে দাহ কৰা হয় বৃটিছ পৰ্যটক জনৰ মৃতদেহ । পিছত পৰ্যটকজনৰ আত্মীয়ই নিজ দেশলৈ লৈ যাব তেওঁৰ অস্থি ৷
যোৰহাটত সম্পন্ন বৃটিছ পর্যটকৰ শেষকৃত্য - বৃটিছ পর্যটকৰ শেষকৃত্য
ভাৰত ফুৰিবলৈ আহি মৃত্যুক সাৱটি লোৱা সুদূৰ গ্ৰেট বৃটেইনৰ নিউকেচলৰ পৰ্যটক এলিষ্টাৰ নীল মেকড'নাল্ডৰ শেষকৃত্য সমাপন কৰা হয় যোৰহাটৰ তৰাজান শ্মশানত।
যোৰহাটত সম্পন্ন বৃটিছ পর্যটকৰ শেষকৃত্য
যোৰহাটত সম্পন্ন বৃটিছ পর্যটকৰ শেষকৃত্য
অধিক তথ্যৰ বাবে পঢ়কঃনিমাতী ঘাটত বিদেশী পৰ্যটকৰ মৃত্যু, পুনৰ বিতৰ্কত JMCH
Last Updated : Feb 6, 2020, 6:30 PM IST