যোৰহাট, ২২ জুলাই :যোৰহাটৰ মাজমজিয়াত থকা কেছ এণ্ড কেৰী নামৰ সুৰা বিপণিত চোৰে লুট কৰিলে নগদ ধন । দুজনীয়া চোৰৰ দলটোৱে কাষৰে এখন ৱাল ভাঙি উক্ত সুৰা বিপণিখনত প্ৰৱেশ কৰি প্ৰথম অৱস্থাত ৩০ কাৰ্টনত খকা সুৰাৰ বটল ভাঙি লণ্ড-ভণ্ড কৰে । ইয়াৰ পিচতেই চোৰে কেচ কাউন্টাৰৰ পৰা প্ৰায় ৪০ হাজাৰ টকা লৈ উধাও হয় । চোৰ দুটাই CCTV ত তেওঁলোকৰ চেহেৰা যাতেই আৱদ্ধ হ'ব নোৱাৰে তাৰ বাবে মুখত কাপোৰে বান্ধি ৰাখিছিল ।
সুৰা বিপণিৰ পৰা চোৰ দুটা ওলাই যোৱা প্ৰাক্ক্ষণত এটা বিয়েৰ সেৱন কৰি থকা দৃশ্য় CCTVত স্পষ্ট হৈ পৰিছে । ইতিমধ্যে সুৰা বিপণিখনৰ স্বত্বাধিকাৰে এই ঘটনা সম্পৰ্কে যোৰহাট সদৰ থানাত এখন এজাহাৰ দাখিল কৰিছে । উল্লেখ্য যে একেখন সুৰাৰ বিপণিত যোৱা ১২ জুলাইটো চোৰে লুটপাট চলাইছিল । তাৰ পিচতো চোৰ কৰায়ত্ব কৰাত ব্যৰ্থতা প্ৰদৰ্শন কৰি আহিছে যোৰহাট আৰক্ষী । এনেদৰে নগৰ মাজমজিয়াত আৰক্ষীয়ে গিজগিজাই থকা পিচতো চোৰ ধাৰাবাহিক লুট -পাটে চিন্তিত কৰি তুলিছে যোৰহাটবাসীক।