টীয়ক, 25 মাৰ্চ : সমগ্ৰ দেশতে কৰ'ণা ভাইৰাছৰ সংক্ৰমণৰ আতংক অব্যাহত থকাৰ মাজতে যোৰহাট জিলাৰ পৰা দেশ-বিদেশ তথা বহিঃৰাজ্যত বিভিন্ন কৰ্মত নিয়োজিত বহু সংখ্যক ব্যক্তি ঘৰলৈ অহাৰ সমান্তৰালকৈ অসমত ব্যৱসায় কৰা বহু সংখ্যক বিহাৰ,ৰাজস্থানৰ ব্যক্তিও পৰিলক্ষিত হৈছে । ইতিমধ্যে সমগ্ৰ বিষয়টোৰ ক্ষেত্ৰত জিলা প্ৰশাসনে কঠোৰ পদক্ষেপ গ্ৰহণ কৰিছে । যিসকল বহিঃৰাজ্যত থকা লোক টীয়ক তথা যোৰহাটলৈ উভতি আহিছে অথবা সন্দেহজনক বুলি চিনাক্ত কৰিছে,তেওঁলোকক ১৪ দিনলৈ ঘৰৰ ভিতৰতে থাকিবলৈ নিৰ্দেশনা জাৰি কৰিছে চৰকাৰ তথা প্ৰশাসনে । কিন্তু এইসকল ব্যক্তিৰ মাজৰে একাংশ ব্যক্তিয়ে বজাৰ অথবা ৰাজহুৱা স্থানত ঘুৰি ফুৰাৰ অভিযোগ পাই পুনৰ অধিক কঠোৰ হৈছে যোৰহাট জিলা প্ৰশাসন।
কৰ'ণা ভাইৰাছক লৈ যোৰহাট জিলা প্ৰশাসনৰ কঠোৰ পদক্ষেপ