চিকিৎসকক প্ৰহাৰঃ টীয়কত ৰাজহুৱা সভা

দেওবাৰে টীয়কত অনুষ্ঠিত হয় এখন ৰাজহুৱা সভা ৷ সভাখনত এচাম বৰ্বৰ লোকে ডাঃ দেবেন দত্তক নিৰ্মমভাবে হত্যা কৰা ঘটনা সম্পৰ্কত আলোচনা কৰাৰ লগতে এক বন্তি প্ৰজ্বলনৰ কাৰ্যসূচীও গ্ৰহণ কৰা হয় ৷

টীয়ক,1ছেপ্তেম্বৰ : দেওবাৰে টীয়কত অনুষ্ঠিত হয় এখন ৰাজহুৱা সভা ৷ সভাখনত এচাম বৰ্বৰ লোকে ডাঃ দেবেন দত্তক নিৰ্মমভাৱে হত্যা কৰা ঘটনা সম্পৰ্কত আলোচনা কৰে ৷ টীয়ক আঞ্চলিক ছাত্ৰ সন্থাৰ উদ্যোগত,যুৱ ছাত্ৰ পৰিষদ টীয়ক আঞ্চলিক সমিতিৰ সহযোগত তথা বিভিন্ন দল সংগঠন তথা ৰাইজৰ উদ্যোগত জগদুৱাৰ উচ্চ মাধ্যমিক বিদ্যালয়ত সভাখন আয়োজন কৰা হয় ৷ য'ত উপস্থিত থাকে যোৰহাট জিলাৰ উপায়ুক্ত ,আৰক্ষী অধীক্ষক, টীয়ক ৰাজহ চক্ৰ বিষয়া, টীয়ক চাহ বাগিছাৰ মেনেজাৰ আৰু কৰ্তৃপক্ষ,টীয়ক প্ৰেছ ক্লাবকে ধৰি বিভিন্ন দল সংগঠন। সভা সমাপ্ত হোৱাৰ পাছত টীয়ক বাণিজ্য সংস্থাৰ উদ্যোগত তথা সমূহ টীয়কবাসীয়ে মৃতকৰ আত্মাৰ সদগতি তথা দোষীক কঠোৰতম শাস্তি প্ৰদানৰ দাবীত এক বন্তি প্ৰজ্বলন কাৰ্যসূচী গ্ৰহণ কৰাৰ লগতে ৰাজপথত হাতে-হাতে মমবাতি লৈ এক মৌন সমদল কৰি সাব্যস্ত কৰে প্ৰতিবাদ ৷