টীয়ক, 27 জুনঃ অসমৰ চৰকাৰৰ জলসম্পদ মন্ত্ৰী কেশৱ মহন্ত শুকুৰবাৰে সন্ধিয়া টীয়কত উপস্থিত হৈ বৃহত্তৰ কাৱৈমাৰী অঞ্চলৰ মথাউৰি পৰিদৰ্শন কৰে ৷ মাথাউৰি পৰিদৰ্শন কৰি অতি শীঘ্ৰেই মথাউৰিৰ কাষত ক্ৰংকিটৰ বেৰাকে ধৰি অনান্য ব্যৱস্থা গ্ৰহণ কৰি সমস্যা স্থায়ী সমাধান কৰিবলৈ বিভাগীয় কৰ্তৃপক্ষক মন্ত্ৰী গৰাকীয়ে নিৰ্দেশ দিয়ে ।
টীয়কত জলসম্পদ মন্ত্ৰী কেশৱ মহন্ত
উল্লেখযোগ্য যে টীয়ক সমষ্টিৰ কাৱৈমাৰীৰ লগতে ধনতুলা,বনাই নপমুৱা,কলিয়াপানী ডুবি আদি অঞ্চলৰ মাথাউৰি অতি দুৰ্বল হোৱাৰ হেতুকে বাৰিষা আগমণৰ লগে লগেই নৈপৰীয়া ৰাইজৰ জীৱন সংকটজনক হৈ পৰে । সেয়ে যিমান পাৰে সোনকালে উক্ত সমস্যা সমাধানৰ বাবে দীৰ্ঘদিন ধৰি অঞ্চলৰ ৰাইজে আহ্বান জনাই আহিছিল ৷ এই আহ্বানৰ প্ৰতি সহাঁৰি জনাই মন্ত্ৰীগৰাকীয়ে নিজে সমগ্ৰ বিষয়টো পৰ্যবেক্ষণ কৰি ব্যৱস্থা গ্ৰহণৰ বাবে উপস্থিত হয় ।