টীয়ক, ৫ ফেব্ৰুৱাৰী: আগন্তুক নিৰ্বাচনক কেন্দ্ৰ কৰি তৎপৰতা বৃদ্ধি পাইছে শাসক-বিৰোধীৰ । ইতিমধ্যে নিৰ্বাচনী ৰণনীতিও প্ৰস্তুত কৰিছে দলসমূহে । সমান্তৰালকৈ বিজেপিয়েও নিৰ্বাচনী বৈতৰণী পাৰ হ'বলৈ ইতিমধ্যে প্ৰস্তুতি তুংগত চলাইছে । ৰাজ্যৰ ভিন্ন প্ৰান্তত গেৰুৱা দলটোৱে ইতিমধ্যে ইখনৰ পিছত সিখন সভা অনুষ্ঠিত কৰি আহিছে । যোৰহাট জিলাৰ টীয়কতো দেখা গৈছে শাসক বিৰোধীৰ নিৰ্বাচনী তৎপৰতা । অৱশ্যে বিৰোধীৰ তুলনাত শাসকীয় দলৰ তৎপৰতা তুংগত ।
সমষ্টিটোৰ বিভিন্ন স্থানত সাংগঠনিক সভা অনুষ্ঠিত কৰি দলৰ ভেটি মজবুত কৰি তুলিছে শাসকীয় দলটোৱে । শুকুৰবাৰে টীয়কৰ কাকজানত দলটোৱে আয়োজন কৰে পৃষ্ঠা প্ৰমুখ সন্মিলন । য'ত দলটোৰ ৰাজ্যিক সমিতিৰ বিষয়ববীয়াকে ধৰি কেইবাগৰাকীয়ো নেতা উপস্থিত থাকি দলৰ ভেটি মজবুত কৰিবলৈ সকলো কৰ্মকৰ্তাক আহ্বান জনায় ।