যোৰহাট, 16 জুন: সেনাই আটক কৰি নিয়াৰ পাছতেই মৃত্যু হোৱা জয়ন্ত বৰাৰ মৃত্যুক কেন্দ্ৰ কৰি বৰ্তমানেও যোৰহাটৰ বৰহোলাত অব্যাহত আছে তীব্ৰ উত্তেজনা ৷ যুৱকজনৰ মৃতদেহ চমজি নল'লে পৰিয়ালৰ লোকে ৷ বৰ্তমানেও মৰ্গতে ৰখা হৈছে যুৱকজনৰ মৃতদেহ ৷ যুৱকজনৰ মৃত্যুক হত্যা আখ্যা দি দোষীক উচিত শাস্তি দিয়াৰ বাবে তীব্ৰ দাবী জনাইছে পৰিয়ালৰ লোকৰ লগতে বিভিন্ন দল সংগঠনে ৷ উল্লেখ্য যে, ঘটনা সন্দৰ্ভত জয়ন্তৰ মাতৃৰ এজাহাৰৰ ভিত্তিত বৰহোলা থানাত ৰুজু হৈছে এক গোচৰ ৷ লগতে এই ঘটনা সন্দৰ্ভত দণ্ডাধীশ পৰ্যায়ৰ তদন্তৰ নিৰ্দেশ প্ৰদান কৰিছে জিলা উপায়ুক্তই ৷ অতিৰিক্ত জিলা দণ্ডধীশ তপন গোহাঁইয়ে আগন্তুক দহ দিনৰ ভিতৰত দাখিল কৰিব তদন্তৰ প্ৰতিবেদন ৷
জয়ন্ত বৰাৰ মৃত্যুক কেন্দ্ৰ কৰি অব্যাহত আছে উত্তেজনাঃ মৃতদেহ চমজি নললে পৰিয়ালে