টীয়কত নিৰ্বাচনী প্ৰচাৰৰ বাবে উপস্থিত সাংসদ তপন গগৈ

টীয়কৰ নিৰ্বাচনী সভাত মিত্ৰজোঁটৰ প্ৰাৰ্থীৰ হৈ প্ৰচাৰ চলালে সাংসদ তপন গগৈয়ে ৷ বিজেপিৰ 100+ সফল কৰাৰ আহ্বান তপন গগৈৰ ৷

টীয়ক, 12 মাৰ্চঃ নিৰ্বাচনৰ দিন চমু চাপি অহাৰ লগে লগে ৰাজনৈতিক দলসমূহৰ মাজত নিৰ্বাচনী তৎপৰতা অধিক বৃদ্ধি পোৱা পৰিলক্ষিত হৈছে ৷ টীয়কতো শুকুৰবাৰে এজিপি বিজেপি মিত্ৰজোঁটৰ প্ৰাৰ্থী ৰেণুপমা ৰাজখোৱাৰ হৈ প্ৰচাৰ চলাবলৈ সমষ্টিটোত উপস্থিত হৈছে যোৰহাট লোকসভা সমষ্টিৰ সাংসদ তপন কুমাৰ গগৈ । সমষ্টিৰ মধ্যস্থল কাকজান কৃষ্টি কেন্দ্ৰৰ প্ৰেক্ষাগৃহত আয়োজন কৰা হয় নিৰ্বাচনী সভা ৷ নিৰ্বাচনী সভাত মিত্ৰতাক অধিক শক্তিশালী কৰি বিজেপিৰ ১০০+ ৰ অংশস্বৰূপে টীয়ক সমষ্টিটোকো নিৰ্বাচন কৰি দেশৰ প্ৰগতি অক্ষুন্ন ৰাখিবলৈ ভোটাৰ ৰাইজক আহ্বান জনায় সাংসদগৰাকীয়ে ।

লগতে চৰকাৰৰ বিভিন্ন জনকল্যাণমূলক আঁচনিৰ সফল ৰূপায়ণৰ বাবে বিজেপি চৰকাৰ গঠনত সহযোগিতা বিচাৰে সাংসদ তপন গগৈয়ে । উল্লেখযোগ্য যে, উক্ত নিৰ্বাচনী সভাত অগপ দলৰ বিষয়ববীয়াৰ সমান্তৰালকৈ বিজেপি দলৰ বহুসংখ্যক ৰাজ্যিক, জিলা তথা সমষ্টিৰ বিষয়ববীয়া উপস্থিত থাকে ৷ আগন্তুক নিৰ্বাচনত জয়ী হ'বলৈ ন ন ৰণ কৌশল প্ৰস্তুতৰ বাবে দুয়োটা দলৰ কৰ্মকৰ্তাক লৈ এখনি সমষ্টি ভিত্তিক নিৰ্বাচনী সমিতি গঠন কৰা হয় ৷ লগতে টীয়কবাসীক ৰেণুপমা ৰাজখোৱাক বিপুল ভোটত জয়যুক্ত কৰাবলৈ আহ্বান জনায় তপন গগৈয়ে ।

লগতে পঢ়কঃওদালগুৰিত মনোনয়ন পত্ৰ দাখিল কৰিলে কেইবাজনো প্ৰাৰ্থীয়ে