নাগৰিকত্ব সংশোধনী বিধেয়ক হ’ব মূল ৰণনীতিঃ সুশান্ত বৰগোঁহাই

লোকসভা নিৰ্বাচনক লৈ বাৰুকৈয়ে তৎপৰ যোৰহাটৰ কংগ্ৰেছ প্ৰাৰ্থী সুশান্ত বৰগোঁহাই ৷ দেওবাৰে সমষ্টিটোৰ ভিন্ন অঞ্চলত কেইবাখনো প্ৰচাৰ সভাত অংশ লৈ বিজেপিৰ বিৰুদ্ধে সোচ্চাৰ প্ৰাৰ্থী গৰাকী ৷

যোৰহাট,24 মাৰ্চঃলোকসভা নিৰ্বাচনক লৈ তৎপৰ হৈ পৰিছে ৰাজনৈতিক দলসমূহ ৷ মৰিয়নিত দেওবাৰে নিৰ্বাচনী ৰণশিঙা বজাবলৈ উপস্থিত হয় যোৰহাট লোকসভা সমষ্টিৰ কংগ্ৰেছ প্ৰাৰ্থী সুশান্ত বৰগোঁহাই ৷ পুৱাৰে পৰা মৰিয়নি প্ৰায় বিশখনৰো অধিক নিৰ্বাচনী সভাত অংশ লৈ বিজেপিৰ বিৰুদ্ধে সোচ্চাৰ হৈ পৰে যুৱ নেতাগৰাকী ৷

বিধায়কক ৰূপজ্যোতি কুৰ্মীক সহযোগী হিচাপে লৈ বহুসংখ্যক কংগ্ৰেছী কৰ্মকৰ্তাক লগত লৈ নিৰ্বাচনী প্ৰচাৰ আৰম্ভ কৰে প্ৰাৰ্থীগৰাকীয়ে ৷ প্ৰচাৰৰ সময়ছোৱাত কেইবাটাও নামঘৰ,মছজিদ আৰু গীৰ্জাঘৰত আশীষ লোৱা দেখা গ’ল সুশান্ত বৰগোঁহাইক ৷ উল্লেখ্য যে, দেবেৰাপাৰ চাৰিআলিত মৰিয়নি সমষ্টিৰ কংগ্ৰেছৰ প্ৰথমটো নিৰ্বাচনী কাৰ্যালয়ৰ শুভ উদ্বোধন কৰি নাগৰিকত্ব সংশোধনী বিধেয়ক বাতিল কৰাটোৱেই নিৰ্বাচনী ইচ্ছু হ’ব বুলি উল্লেখ কৰে সুশান্ত বৰগোঁহায়ে ৷