যোৰহাট , 27 অক্টোবৰঃ দীপাৱলীৰ সন্ধিয়া যোৰহাটত অঘটন ৷ চহৰখনৰ সোঁ-মাজত অৱস্থিত বৰুৱা চাৰিআলিৰ আই চি চি আই বেংকৰ সন্মুখত থকা কৰ্ট বিল্ডীংৰ নিচেই কাষতেই সংঘটিত হয় এক ভয়ংকৰ অগ্নিকাণ্ডৰ ঘটনা । চহৰখনৰ মাজেৰে যোৱা গেছৰ আণ্ডাৰ-গ্ৰাউণ্ড পৰিবাহী পাইপৰে গেছ নিৰ্গত হোৱাৰ বাবে হঠাতে জুই জ্বলি উঠে ৷ জুইৰ লেলিহান শিখাই ক্ষন্তেকতে আগুৰি ধৰে অঞ্চলটো ৷ দিনৰ ভাগত তথা দীপাৱলীৰ বাবে মানুহৰ সমাগম কম হোৱাৰ বাবে বিশেষ ক্ষয়-ক্ষতি নহ'লেও কিহৰ বাবে এই অগ্নিকাণ্ড সংঘটিত হ'ল, এতিয়ালৈকে জানিব পৰা হোৱা নাই ৷ অগ্নি নিৰ্বাপক বাহিনীৰ তৎকালীন পদক্ষেপৰ বাবেই জুই নিৰ্বাপন কৰিবলৈ সক্ষম হয় ।
যোৰহাটৰ বৰুৱা চাৰিআলিত ভয়ংকৰ অগ্নিকাণ্ড