টীয়কত ধুমুহাত বিধ্বস্ত ভ্ৰাম্যমান থিয়েটাৰৰ পেণ্ডেল

লক্ষাধিক টকাৰ সা-সম্পত্তি বিনষ্ট।

টীয়ক,৬মাৰ্চঃ টীয়কত ধুমুহাই তচনচ কৰিলে ৰাজমুকুট থিয়েটাৰৰ পেণ্ডেল। টীয়কৰ বনাইত মঙলবাৰৰ পৰা আৰম্ভ হোৱা ৰাজমুকুট থিয়েটাৰৰ পেণ্ডেল বিধ্বস্ত কৰে এজাক প্ৰচণ্ড ধুমুহাই । প্ৰথম নিশাৰ দৰ্শনীৰ উদ্বোধনী অনুষ্ঠান চলি থকাৰ সময়তে সন্ধিয়া আঠবজাত শিলাবৃষ্টিত তচনচ হয় থিয়েটাৰৰ পেণ্ডেল ।

ইফালে ধুমুহাৰ সংহাৰত ভীতিগ্ৰস্ত হৈ থিয়েটাৰ চাবলৈ অহা দৰ্শকসকলে দৌৰা দৌৰি কৰাত আঘাতপ্ৰাপ্ত হয় বহু লোক । লগতে ধুমুহাৰ ফলত কেইবা লাখ টকাৰ সা-সম্পত্তি নষ্ট হৈছে বুলি জানিবলৈ দিছে থিয়েটাৰ কৰ্তৃপক্ষই ।