আৰক্ষীৰ পৰিচয় দি দুৰ্বৃত্তই লুটিলে বৃহৎ পৰিমাণৰ ধন

বুধবাৰে টীয়কত ব্যৱসায়ীৰ বাহনৰ পৰা দুৰ্বৃত্তই লুটি নিলে 2 লাখ টকা ৷ আৰক্ষী বুলি চিনাকি দি কৰ্মচাৰী দুজনৰ বাহন ৰখাই লুটি নিলে এই ধনৰাশি ৷

টীয়ক, 19 আগষ্ট : টীয়কত বুধবাৰে দিন দুপৰতে সংঘটিত হৈছে এক ডকাইতি কাণ্ড ৷ ৰাষ্ট্ৰীয় ঘাইপথত ব্যৱসায়ীৰ বাহনৰ পৰা দুৰ্বৃত্তই লুটি নিলে 2 লাখ টকা ৷ আমগুৰিৰ মহাবীৰ হাৰ্ডৱেৰ এণ্ড ইলেক্ট্ৰিকেলছৰ দুই কৰ্মচাৰীয়ে যোৰহাটৰ পৰা সামগ্ৰী নিবলৈ যোৱা অৱস্থাত ডকাইতে লুটিলে এই ধনৰাশি ৷

জানিব পৰা মতে, ডকাইতে নিজকে আৰক্ষী বুলি চিনাকি দি কৰ্মচাৰী দুজনক বাহনখন ৰখাবলৈ নিৰ্দেশ দিয়ে ৷ ইয়াৰ পাচতে কৰ্মচাৰী দুজনৰ পৰা টকাখিনি লৈ পলাই পত্ৰং দিয়ে ডকাইতৰ দলটোৱে ৷

AS-03M-5196 নম্বৰৰ এখন ইণ্ডিগো বাহনত আহিছিল দুৰ্বৃত্তৰ দলটো ৷ ইয়াৰ পাচতে দুই কৰ্মচাৰীয়ে লাহদৈগড় থানাত এজাহাৰ দাখিল কৰে ৷ ঘটনা সন্দৰ্ভত ইতিমধ্যে দুৰ্বৃত্তৰ দলটোৰ সন্ধানত তদন্ত অব্যাহত ৰাখিছে লাহদৈগড় আৰক্ষীয়ে ৷

লগতে পঢ়ক :এইবাৰ শৌচাগাৰৰ পৰা ড্ৰাগছ উদ্ধাৰ কৰিলে আনন্দ মিশ্ৰ বাহিনীয়ে