গোৱা আৰক্ষীৰ জালত ৰাজা বাইলুঙ

চিটা ডি গোৱা নামৰ বিলাসী হোটেলখনৰ পৰা আটক কৰে ৰাজা বাইলুঙক। প্ৰদীপ বুঢ়াগোঁহাই নামৰ এজন বিষয়াক অশ্লীল ভাষাৰে গালি গালাজ দিছিল ধৃত বাইলুঙে

যোৰহাট, 26 আগষ্ট : যোৰহাট যান বাহন আৰক্ষীক অশ্লীল গালি গালাজ দি পলাতক হৈ থকা প্ৰাঞ্জল প্ৰাণ বাইলুঙক আটক কৰে গোৱা আৰক্ষীয়ে ৷ দেওবাৰে নিশা 2 মান বজাত গোৱা পুলিচে হোটেল চিটা ডি গোৱা নামৰ বিলাসী হোটেলখনৰ পৰা আটক কৰে বাইলুঙক। উল্লেখ্য যে,বিগত 14 আগষ্টৰ দিনা প্ৰাঞ্জল প্ৰাণ বাইলুঙ ওৰফে ৰাজা বাইলুঙে যোৰহাট যান বাহন আৰক্ষীৰ প্ৰদীপ বুঢ়াগোঁহাই নামৰ এজন বিষয়াক কৰ্তব্যৰত অৱস্থাত অশ্লীল ভাষাৰে গালি গালাজ দিছিল। আৰু তাৰ পাছতেই ছ'চিয়েল মিডিয়াত ভাইৰেল হৈ পৰিছিল ভিডিওটো । ইতিমধ্যে ৰাজা বাইলুঙক অসমলৈ আনিবৰ বাবে এটা দল গোৱালৈ ৰাওনা হৈছে ।