ঐতিহাসিক বৰভেটিত ভক্তিময় পৰিৱেশৰ মাজত টীম প্ৰতিঘাত

যোৰহাটৰ বৰভেটিত দুদিনীয়া কাৰ্যসূচীৰে পালন কৰা 252 সংখ্যক ন-লগোৱা উৎসৱটিত সমাগম ঘটিছে 3 লাখ ভক্তৰ ৷ আঘোণৰ প্ৰথমটো দেওবাৰত ঐতিহাসিক মালৌপথাৰৰ বৰভেটিত উপস্থিত হয় টীম প্ৰতিঘাত ৷

যোৰহাট,24 নৱেম্বৰঃৰাজ্যখনৰ বিভিন্ন প্ৰান্তত থকা মায়ামৰা সম্প্ৰদায়ৰ আটাইতকৈ গুৰুত্বপূৰ্ণ বাৰটোৱেই হৈছে আঘোণ মাহৰ প্ৰথমটো দেওবাৰ । ঐতিহাসিক বৰভেটিৰ বছৰৰ প্ৰথম ন-লগোৱা উৎসৱ । যোৰহাটৰ বৰভেটিৰ ২৫২ সংখ্যক ন-লগোৱা উৎসৱটিত ১৫ খন জিলাৰ পৰা ৩ লাখ ভক্তৰ সমাগম ঘটিছে ৷ দ্বিতীয় বৈকুণ্ঠলৈ পৰিণত হৈছে যোৰহাটৰ বৰভেটি । অন্যান্য ভক্তৰ লগতে দেওবাৰে বৰভেটিত উপস্থিত হৈছে আগন্তুক অসমীয়া ছবি প্ৰতিঘাতৰ সমূহ কলা-কুশলী ৷ অসমীয়া বোলছবি জগতৰ মোহময়ী অভিনেত্ৰী অমৃতা গগৈৰ লগতে অভিনেতা পদ্মৰাগ গোস্বামী আৰু টীম প্ৰতিঘাতৰ সকলো কলা কুশলী বৰভেটিলৈ আহি অভিভূত হৈ পৰাৰ লগতে 6 ডিচেম্বৰত মুক্তি লাভ কৰিবলগীয়া নতুন অসমীয়া চলচ্চিত্ৰ প্ৰতিঘাতৰ বাবে বন্তি জ্বলাই আশীষ ল'লে প্ৰতিঘাত দলে ৷