ৰাজ্যত এতিয়াও মুক্তভাৱে ব্যৱহাৰ হৈ আছে প্লাষ্টিক বেগ

প্লাষ্টিকৰ ব্যৱহাৰ আৰু বিক্ৰী ক্ষেত্ৰত কঠোৰ নিয়ম কৰাৰ পাছতে একাংশ পাইকাৰী ব্যৱসায়ী য়ে সুযোগ গ্ৰহণ কৰি এতিয়া যোৰহাট চহৰত দাম বৃদ্ধি কৰিছে প্লাষ্টিকৰ বেগৰ ৷ যি প্লাষ্টিক বেগৰ এক কেজি মূল্য ১৪০ আছিল এতিয়া ১৬০ টকাৰ পৰা ২০০ টকা পৰ্যন্ত হৈছে ৷

যোৰহাট, 23 নৱেম্বৰঃ 2 অক্টোবৰৰ পৰা প্ৰধানমন্ত্ৰী নৰেন্দ্ৰ মোডীৰ আহ্বান মৰ্মে দেশজুৰি নিষিদ্ধ কৰা হৈছে এবাৰ ব্যৱহৃত প্লাষ্টিক ৷ কিন্তু প্ৰকৃতাৰ্থত এতিয়াও প্লাষ্টিক মুক্ত হৈ উঠা নাই দেশ ৷ যোৰহাটত এতিয়াও মুক্তভাৱে ব্যৱহাৰ হৈ আছে প্লাষ্টিক বেগ ৷ প্লাষ্টিকৰ ব্যৱহাৰ আৰু বিক্ৰীৰ ক্ষেত্ৰত কঠোৰ নিয়ম কৰাৰ পাছতে একাংশ পাইকাৰী ব্যৱসায়ীয়ে সুযোগ গ্ৰহণ কৰি এতিয়া যোৰহাট চহৰত দাম বৃদ্ধি কৰিছে প্লাষ্টিকৰ বেগৰ ৷ যি প্লাষ্টিক বেগৰ এক কেজি মূল্য ১৪০ আছিল এতিয়া ১৬০ টকাৰ পৰা ২০০ টকা পৰ্যন্ত হৈছে ৷ আনাহতে, একাংশ ফল মূল ব্যৱসায়ী মতে গ্ৰাহকসকলেও প্লাষ্টিকৰ বেগ নিদিলে ফলমূল ল’ব নিবিচাৰে ৷ কিছু সংখ্যকে আন বেগ লৈ আহে যদিও বহু পৰিমাণৰ গ্ৰাহকে প্লাষ্টিকৰ বেগ বিচাৰে ৷

ইয়াৰ পৰা এটা কথাই স্পষ্ট হৈ পৰিছে যে,চৰকাৰে যিমানেই নীতি নিৰ্ধাৰণৰ লগতে আইন প্ৰণয়ন নকৰক কিয় যদিহে জনসাধাৰণে এইক্ষেত্ৰত কোনোধৰণৰ সহায় সহযোগিতা নকৰে তেন্তে কাল ক্ৰমত এই চৰকাৰী ঘোষণাও প্ৰহসনত পৰিণত হ’ব ৷